الفصل السادس

3110 Words

علي الجهة الاخري ذهب اسر الي اكثر مكان يعشقه وهو اسطبل الخيول الخاص بيه في فله والده حتي ينعم ببعض الهدوء والسكينه بعد ما حدث في الحفله ورفض فريده له ادم ويوسف من بعيد يوسف :كنت واثق انه هيكون هنا ادم : هوا لما بيكون مدايق بيروح هناك انا مش عارف ايه اللي حصل بينه و بين فريده علشان تعمل كده تفض الشركه ديه حتي ماقلتليش ولا حتي لمحت يوسف : انت عارف البنات دماغهم طاقه وبيعملوا اي هبل وخلاص ادم : لا مش فريده ديه دماغها توزن بلد اكيد حاجة كبيرة حصلت انا هلروح لاسر واعرف ايه اللي حصل يوسف و هو يمسكه : لا بلاش الوقتي سيبه هوا مدايق وانت عارفه بعدين كلمه يلا بينا احنا نطلع وبكرة نشوف ايه اللي هيحصل رضخ ادم لكلام يوسف وذهبوا الي داخل الفيلا تاركين اسر مع حصانه (برق) يحدثه وكانه صديقه في صباح اليوم التالي في مقر الشركة في غرفة المكتب ادم: ممكن اعرف ايه اللي حصل ده يا فريده انتي ازاي تفضي الشراتكة من غير حتي ماتقولي ايه اللي حصل فريده : اللي حصل اني مش هقدر اكمل مع اخوك في مكان واحد ادم : وانتي من امته بتدخلي الامور الشخصيه في الشغل وبعدين المشاريع اللي ماضيين عليها ديه هتعملي فيها ايه فريدة بهدوء وبرود: عادي هكملها وبعدين اسافر انا قولت فض الشراكه من دلوقتي علشان نرتب امورنا بس مش اكتر من دلوقتي ادم: لا والله علي اساس المشاريع ديه هتخلص في شهور مش كده وبعدين سيبك من ده ومشروعنا يا فريده مشروع التحدي نستيه ولا ايه فريده : لا منستوش وبعدين المشروع ده احنا بداينه من سنتين وانا مش هتنازل عنه ابدا وانت عارف ده كويس مش ممكن اخذل الناس دول ادم : امال ازاي هتسافري و تسبيهم يا فريدة فريدة علي وشك البكاء ولكنها صامدة: مش عارفة بس اخوك لخبطلي حاجات كتير ادم : انا عايز اعرف ايه اللي حصل بالظبط قوليلي انتي عارفة دا عن ان هوا انا اقدر اساعدك بعيدا عن انت هوا اخويا فريدة بعيون دامعه : انا هقولك وبدات تقص عليه قصة الرهان ومواجهتها لاسر الذي لم يبرر ماقالته له وان حبه مجرد كذبه ادم باندهاش: معقول اسر يعمل كده انا عارف ان اسر متهور بس مش للدرجة ديه انا كنت فاكر انه اتغير وبيحبك بصحيح فريدة بنظرة حزن وسخريه: هههههههههه اسر كازنوفا مش ممكن يتغير ادم بضيق : اكيد اللي عمله اسر ده سئ بس مكنش المفروض انتي تاخدي القرار ده مش فريده اللي انا اعرفها اللي تتخلي عن حلمها بسهوله فريده بدموع : اللي عمله اخوك خلاني مش عارفه افكر غير في كده ادم وهو يهم بالانصراف : ولو حددي اولوياتك يا فريده ويلا حضري الاجتماع نص ساعة واي قرار انتي هتاخديه انا معاكي بس ياريت تحكمي عقل فريدة مش قلبها في غرفة فريده بعد دخول اسر اليها وهو غاضب :ويلقي لها احدي المجلات علي المكتب شفتي بعملتك السوده ايه اللي كاتبينه عليا ده فريده وهي تقرا بصوت : ماسبب القرار المفاجئ الذي اتخذته ابنه رجل الا عمال الشهير سليم الحسيني لفض شراكة دامت اكثر من خمسه اعوام وتراجعها عن قرار خطوبتها من رجل الاعمال الشهير اسر سيف الدين نصرهل بسبب شراكة ام انهيار مجموعة ام مغامراته النسائية ام لعبه رهان فريده: وبعدين اسر بعصبية : عرفوا منين موضوع الرهانوالهبل ده كله فريدة : بسخريه هوا فيه حاجة بتستخبي دلوقتي وبعدين انا مقلتش لحد عن الخطوبه عرفوا منين برضو اسربغضب وصوت جهوري : الكل كان عارف ومتوقع موضوع الخطوبه لكن حضرتك نهيتي كل شئ وبعدين انتي عارفة خبرزي ده ممكن ياثر علي الشركة والمجموعة ازاي ده ممكن يخفس بيها الارض فريده بهدوء: اولا صوتك ميعلاش في المكتب احنا مش في سوق هنا ثانيا اللي يتكلم يتكلم ميهمنيش اسر :لو ميهمكيش انتي يهمني انا فريده :بص عامة الناس بتتكلم عمال علي بطال وانا مش فاضيه للكلام الفارغ ده عندنا اجتماع دلوقتي وتركته وذهبت لغرفة الاجتماعات غاضبا من برودها يود لو يحطم راسها في غرفة الاجتماعات كانت كلماتها مختصرة وصارمه كان الجميع في الغرفة صامتا منتبها لما سيقال و القرارات التي ستحدد مصير المجموعة فريدة بجديه: طبعا الكل عرف موضوع فض الشركة ده قرار اكيد بس ده مش هيحصل غير بعد ماكل المشاريع و الاتفاقيات تنتهي مش هسمح باي تقصير الشغل ومش معني فض الشراكة ان ده يعني انقطاع التعامل لا ده بس مجرد انفصال روتيني بس اومجا و النصر هيفضلوا متعاونين دوما ادم بابتسامه رضا : اكيد يا بشمهندسه فاهمين فريدة : حد عنده اي سؤال او استفسار احد الموظفين : طيب بالنسبه للعاملين في الشركة هيكون مصيرهم ايه هيتقسموا ازاي فريدة : الموضوع ده مش وقته الوقتي الكل هيكون في شغله ولما نخلص نشوف الموضوع ده ادم: العاملين مش هيتاثروا باي حاجة ولا هيكون فيه قلق بالع** ده هيتيح فرص عمل كمان كتير يعني مفيش تسريح لاي عامل او قطع عيشه متقلقوش فريدة بكده نكون خلصنا كل واحد يرجع لشغله دلوقتي وبكررها تاني مش هسمح باي تقصير او اهمال طول عمرنا كنا NUMBER ONE وهنفضل كده علي طول كل هذا واسر يراقب ب**ت ولم يتفوه بكلمه واحده وكانه يفكر بشئ ما وهذا ما تقوله لمعة عيناه وفي نفسه : قررتي كل شئ بنفسك طب استحملي بقي اللي هيحصل و متقوليش ليه مش انا اللي يتعمل معاه كده بعد انصراف الجميع ادم لفريده بابتسامه : ايوة كده انا سعيد بيكي فريدة بابتسامه حزينه : فكرت بعقلي مش بقلبي زي ما قلت ادم بمزاح: ومالك كده هوا كان غالي اوي اللي مات ليكي فريدة : لم تعلق ........... ادم :طب بصي عندي ليكي خبر هيفرحك بصي اتصلوا و مستنينا بعد عشر تيام علشان نبدا اجهزي يا هندسه فريده بفرحة ولمعة عين : بجد يعني وافقوا اننا نكمل ادم بافتخار :طبعا انتي مستقليه بيا ولا ايه انا ابان كده مز و ابن ذوات بس سداد يا هندسه ولا ايه دنا ادم مش اي حد فريده بضحكة: ههههههههه اكيد يا هندسه سداد يلا استعنا بالله الحق اجهز من دلوقتي دنا مصدقت دول وحشوني اووووووي وزوزو كمان ادم بغمزة : اه واكل زوزو وكلام زوزو فريدة : ولا انشراااااااااااااااااااااح ادم بخوف مصطنع: ليه لازم تفكريني مكنا كويسين لازم يعني تفكريني بيها فريدة بغمزة: ليه كده ياسي دومي ديه حتي عنها منك ادم : اعوذ بالله من الخبث و الخبائث انا فعلا عملت ذنوب كتير بس مش لدرجة اني اتجازي بانشراح بقولك ايه يلا سلام دلوقتي الحق اجهز انا برضو فريده بفرحة :سلام اسر من بعيد بغيظ مالهم دول بيتكلموا عن ايه وهاتك يا ضحك وسي ادم واخد راحته اوي ليلتك طين يا ادم ومين زوزو ديه انا لازم اعرف فيه ايه والست هانم ضحكتها من الودن للودن كده ليه ادم وهو في طريقه للخارج قابل كاميليا ادم : ايه ده انتي رجعتي كده تاني ليه ماكنتي فله كاميليا باستغراب: نعم بتقول ايه يا ادم ادم :لا متخديش في بالك بس كنتي صاروخ بالليل بس شكلك الصبح عملتي حادثه كاميليا بحزن داخلي : يعني كل هامك المظاهر بس انت عارف النظام في الشركة ادم :خلاص انا بهزر انتي قلبتي ليه بس برضو الحلو حلو بغمزة سلام كاميليا : و الله انا معرفالك حل بتهزر و لا بتتكلم جد كريم لادم وهم متجهون للخارج كريم ايه يا عم كنت فين كل ده انا ملطوع من بدري الشمس هرت نفوخي ادم :كنت بكلم كاميليا كريم: اه شفتها فرق بين امبارح و النهارده علي راي المثل علبه المكياج النضيفة تقلب الخدامه مضيفة ادم : ايه يا عم مش للدرجادي هي البت برضو حلوة بس انات اللي بحب ارخم عليها بس كريم : لخص يا عم الحبيب وشوف هنروح فين بقي انا نفوخي شاط ادم :يلا بينا طيب وانا هظبطك فريدة لكاميلليا : ايه ده انتي بتكلمي نفسك ولا ايه مالك كاميليا: ابدا كنت بكلم ادم فريدة: طب ومالك كده زعلانه كاميليا بحزن: مش عارفة يا فريدة مرة بيكون كويس و مرة بيطنشني ولا كاني موجودة فريدة : اممممممممممممم كاميليا :ايه طعمه حلو فريدة: قوي بقولك ايه يلا بينا انتي مش ماشية كاميليا :شكلك مبسوطة اوي خير ايه اللي حصل فريدة:فعلا انا مبسوطة جدا جدا وناويه اروقك بدل مانتي مبوزه كده كاميليا :ايه اسر صالحك ولا ايه انا حسيت كده برضو من كلامك في الاجتماع بغمزة يلا يا عم الله يسهلو في داخل سيارة فريدة فريدة: اسر مين انتي التانية لا طبعا انا اسر ده نهيته من حياتي كاميليا :عيني في عينك كده فريدة:بقولك ايه اطلعي من دماغي دلوقتي انا فرحانه ومش عايزة اقلب بصي انا عايزة اظبط دماغي وقامت كاميليا بتشغيل اغاني رومانسية وكانت اغنيه 60 دقيقة حياة فريده : ايه ده اللي انتي مشغلاه بقولك عايزة اظبط دماغي اوعي كده وقامت بتشغيل اغاني مما لا يفهم منها شئ مايقال عنها مهرجانات كاميليا : ايه اللي انتي بتسمعيه ده مش معقوله مهرجانات يا فريدة احنا راكبين توكتوك فريدة :اسكتي ده هوا ده اللي يعدل المزاج هههههههههههههه هوا فيه احلي من كده اسكتي اسكتي وقامت بتعليه الصوت و الغناء معه وسط دهشة كاميليا عودة الي اسر يوسف: مالك ياعم بتكلم نفسك ليه اسر بعد ما افاق من شروده : ها لا مفيش يوسف : لسه برضو موضوع فريدة مضايقك يا عم روق كلها شويه وتروق وتنسي اسر :ايوة ممكن برضو يوسف:ايه يا عم انت مش مركز معايا كده ليه بتفكر في ايه اسر اوعي تكون بتفكر في مصيبة اسر : ياعم لا مصيبة ولا حاجة كل الحكاية الواد ادم وفريدة كانوا قاعدين يتكلموا مع بعض والبت كانت مسخسخة ومنشكحة علي الاخر وادم واخد راحته ع الاخر يوسف:ياعم مانتي عارف انهم دايما مع بعض وسرهم مع بعض ايه اللي جد اسر :اللي جد ان فريدة ولا فارق معاها حاجة ولا كاني فارق معاها يوسف :ياعم انتي عايزها تعمل ايه تقعد تندب حظها وتعيط وتولول مش فريدة اللي تعمل كده اسر :لا تقعد تضحك وتكركر وهئ ومئ مع ده وده والواطي التاني مش يوسف: احساس ايه يا اسر انت التاني انت هتعملهم عليا انا عارف انك معجب بفريده بس مش للدرجة ديه اسر :ليه يعني هوا انا مش بني ادم عندي مشاعر واحاسيس ليه مش مصدق اني بحب فريده يوسف : اسر ده مش حيب ده مجرد اعجاب وشد لانها مستسلمتش ليك زي اي واحدة رغم انها بتحبك والكل عارف كده اسر بضيق : انت شايف كده لكن انا لا فريدة مختلفة عن اي حد تاني ومشاعري ناحيتها غير انا مقدرش استغني عنها يوسف وقد شعر بضيقه: خلاص يا عم احنا اسفين بس انت هتفضل مقضيها كده فكك بقي ربنا يهون ويحل ال*قد وبعدين انت مش هتمشي ولا عجباك القاعدة هنا يلا بقي لاني جعان وعصافير بطني بتجعر اسر :طول عمرك كده بتفصلني انا في ايه وانت في ايه طول عمرك همك علي بطنك معندكش سيرة غير الاكل يوسف : ليه ياعم فاكرني علي علي من بعيد :انا سامع حد بيقول اكل و جايب في سيرتي حبايب قلبي فين الاكل ده يوسف بضحكه: ههههههههههههه ايه انت بتيجي ع الريحة اهو جبنا في سيرة القط جه ينط كنا جبنا سيرة ربع جنيه مخروم علي :قط ايه ونط ايه انا سامع سيرة اكل مين معاه بقي اسر :ياعم مفيش اكل هنا وبعدين مش ادم و كريم مشيوا انت قاعد هنا ليه لدلوقتي علي : لا اصل ملك لسه مامشيتش وكانت عزماني علي الاكل عندهم النهارده فانا مستنيها نروح مع بعض فشفتكم فقلت اجي اشوف فيه ايه يوسف: طب ولما انت معزوم عند خطيبتك جاي تسال علي الاكل هنا ليه علي : ياعم كنت هنأنأ معاكم اهي تصبيرة و السلام زيادة الخير خيرين اسر بنفاذ صبر : بقولكم ايه انا ماشي هتيجي يا يوسف ولا قاعد يوسف وهو يلحق به: يا اسر استني انا جاي معاك سلام يا علي علي : وده ماله ده يلا انا مالي انا اروح اشوف البت ملك فين اتاخرت كده ليه وانا خلاص علي اخري في احدي المولات الكبيرة حيث ذهبت فريده وكاميليا لشراء بعض المستلزمات الخاصة بفريده وبعد ساعات من التسوق كاميليا : انا خلااااااص هلكت كل ده لف انتي ايه مبتتهديش اه ياني يا رجليا مش حاسه بيهم فريده : ايه يا بت ما تجمدي شويه مالك خرعة كده ليه كاميليا : انا خرعة يا مفتريه اربع ساعات بنلف وفي الاخرتقولي كده فريده : الله مش علي بال مالقيت اللي انا عيزاه كاميليا: اللي انتي عايزاه اه بس بصراحة انا مستغرباكي ايه اللبس اللي انتي جايباه ده مش استايلك خالص ولا حتي لبس الشركه انا مش عارفة هتلبسيه فين ده فريده : ها لا عادي انا محتاجاه اوي الفترة اللي جايه مش هينفع لبس غيره كاميليا باستغراب: ليه مش هينفع غيره انتي ناويه علي ايه يا فريده هتروحي بيه فين ده يادوبك يتلبس وانتي شغاله علي موقف المكروباص بتنادي علي الزباين عتبه عتبه رمسيس فريده : هههههههههههه عندك حق و الله بس المكان اللي اانا ريحاه مينفعش فيه غير اللبس ده كاميليا وهي تحاول معرفة ماتنويه فريده بلهفة : هه هه فين بقي انتي رايحة فين قري و اعترفي بقي فريده وهي تحاول التملص من الاجابه : بس بقي انتي رغايه قوي اسكتي شويه انتي مش جعانه يلا بينا ناكل كاميليا : ماشي ليكي يوم مسيري اعرف كل حاجة مسيرك يا ملوخية تيجي تحت المخرطه فريده : اوه كاميليا بقيتي local قوي كاميليا : من بعض ما عندكم بعد ان انتهت كل من فريده و كاميليا من الطعام وهموا بالخروج شخص ما : فيري وكامي مش معقول صدفة جميله اوي فريدة بحنق: اهلا اكرم ازيك كاميليا بابتسامه صفراء : هاي اكرم ازيك اكرم : احسن كتير من بعد ماشفتك انتي عامله ايه miss you بجد يا فريدة فريده بابتسامه صفراء : ميرسي يا اكرم انا كويسه اكرم بخبث: سمعت انك فضيتي الدمج بينك وبين شركة اسر ولغيتي الخطوبه بجد زعلت فريدة وقد علي وجهها الضيق: اه فعلا فضيت الشراكة بس اصلا مكنش فيه خطوبه علشان الغيها اكرم بابتسامه خبيثه: اه يبقي علي كده الخطوبه ديه كانت مجرد اشاعة كاميليا : اه انت عارف الناس بتموت في الاشاعات يا اكرم اكرم : ايوة بس كده احسن انتي عارفة الكل في النادي كانوا مستغربين من الموضوع ده وبعدين انتي تستحقي انسان احسن من اسر واحد يليق بيكي ويقدرك فريدة بحنق : ميرسي يا اكرم عموما انا مش بفكر في الموضوع ده دلوقتي خالص اكرم : وليه يا فيري متفكريش في الموضوع ده وفيه قدامك اللي يقدرك فريده وقد فاض بها: قصدك ايه يا اكرم اكرم : فيري بليز انتي فاهمة وعارفة ان انا من زمان وانا بحبك وعايزك وديه فرصة اننا نقرب من بعض خصوصا بعد موضوع اسر اعتبريها تجربه فاشله فريدة : مفيش اصلا موضوع علشان تكون فيه تجربه اكرم بخبث: ازاي يا فيري ده النادي كله عارف بموضوع الرهان اللي كان عامله اسر عليكي علشان يوقعك و ي**به بس انتي خسرتيه الرهان فريده بوجه احمر من الغضب : بقولك ايه يااكرم قفل ع السيرة ديه انا مش لعبة علشان حد يتراهن عليا انا فريده سليم الحسيني والكل عارف ده كاميليا لكي تنهي هذا النقاش بعد ما اشتشعرت غضب فريده: فريده احنا اتاخرنا مش يلا بينا بقي وهي تجذبها من يديها سلام يا اكرم اكرم بمكر : وماله سلام يا كامي و الي اللقاء يا فيري اللقاء القريب قوي هتروحي مني فين ما الملعب خلي دلوقتي بعد ما كان مشغول انا وراكي و الزمن طوييييييييييييل كاميليا في السياره: انسان سئيل ورخم يا ساتر يا ربي مش عارفه طلعلنا منين فريده : بوجه غاضب وتحاول منع عبراتها من النزول: شفتي الكل كان عارف موضوع الرهان وانتي تقوليلي لا فعلا اللي عملته انا صح اسر انسان مبيهمهوش غير نفسه و رغباته كان هيبقي شكلي ايه لو كنت وافقت علي الخطوبه كنت هبقي مسخرة الكل كاميليا وهي حزينه علي صديقتها: معلش يا فريده حصل خير انتي مش لازم تسمعي لكلام اكرم ده هوا كان بيقول كده علشان يضايقك مش اكتر في سيارة اسر يوسف: مالك ياعم انت هتفضل كده قالب اسر :........................... يوسف انت بتفكر في ايه بالضبط اسر: انا مش عارف مين اللي قال لفريده علي موضوع الرهان محدش غيري انا والواد زاهر معقول يكون هوا اللي قالها يوسف :منتا عارفه ل**نه فالت مبيتبلش في بقه فوله اسر : اه بس يقوم يروح يقولها ورحمة امي لو كان هوا لاوريه النجوم في عز الضهر ده بوظ عليا كل حاجة يوسف: بس انتي غلطان برضو انك تعمل كده وملقتش غير فريده اسر : انت كمان ياعم ده كان موضوع قديم ومش عارف ايه اللي فتحه تاني انا اصلا كنت نسيته احنا كنا بنتكلم عن البنات وجت سيرة فريده في النص وان محدش مالي عنيها ومش بتعبر حد فانا بهزار قولت ان اي بنت مسير رجليها تيجي بالزن و الدلع و الاهتمام بس فهوا اخده علي ان هوا رهان وانا ساعتها مكنتش اعرف فريده كويس يوسف باندهاش: يعني انت فعلا اتراهنت علي فريده وكنت عايز البت تعملك ايه بعد ما تعرف ايه تترمي تحت رجليك ده انت تحمد ربنا انها بس عملت كده ده انا لو منها كنت قتلتك اسر بضيق: يعني انا كنت عارف اني هتنيل علي عيني و اتعلق بيها و احبها كدة وده اصلا كان موصوع قديم من سنين انا مش عارف ايه اللي فتحه تاني بس ورحمه امي لاوريه زاهر الكلب اسر وقد اسر بالسيارة وهو في قمه غضبه يوسف انت ياعم اهدي شويه انتي رايح فين ده مش طريق المطعم اسر وهو يقود بسرعه لا احنا رايحين ع النادي لا زم اعرف كل حاجة يوسف بقلق: لا خليها بعدين انت متعصب دلوقتي لما تهدي شويه اسر : اسكت بقي شويه انا مش طايق نفسي بس لما اشوفك يا زاهر الكلب هخليك تندم علي اليوم اللي فتحت بقك فيه بعد وصول اسر النادي ظل يبحث بعينيه عن زاهر فوجده بين عدد من اصدقائه زاهر من بعيد : اسورة حبيب قلبي فينك من زمان ليك وحشه والله اسر بعد ان اقترب منهم وهو يمسك زاهر من تلابيب قميصه بغضب حلوة تلابيب قميصه ديه نرجع تاني اسر : انا يابن .......... (اخلي شتيمه) بقيت قليل الادب يا اسر . تعمل فيا كدة تروح تقول لفريده علي الرهان وتقلبها عليا ده انا هطلع عين اللي خلفوك زاهر و هو يحاول ان يبعد اسر عنه : رهان ايه ياعم وفريده مين انت بتقول ايه يوسف وهو يحاول تهداه اسر : اهدي يا اسر مش كده سيبه الناس كلها بتتف*ج علينا في النادي اسر : مش هسيبه انت ازاي تقول لفريده علي الرهان زاهر : ياعم انا ولا قولتلها ولا حتي شوفتها اسر : انت بتصيع عليا يابن............. مفيش حد غيرك يعرف بالرهان ده زاهر: ياعم يخربيت ام ده رهان اقسم بالله ماقلتلها حاجه اسر: امال مين اللي قالها امي زارتها في المنام وحكتها انطق ياض وقول زاهر: ياعم انا مقلتش لحد اسر ويوسف يمسك بيه: يا يوسف سيبني عليه انا هعرف اخليه ينطق انا عارف الاشكال ده زاهر بتوسل: اوعي تسيبه يا جو الله يكرمك ده ممكن يطحني يا عم بقولك و الله ما قولت لحد يوسف : اهدي يا اسر الله هيجبولنا الامن بالمنظر ده اسر : منا مش هسيبه غير لما ينطق زاهر بعد تفكير : والله انا ماجبت سيرة عن الموضوع ده غير بحسن نيه وانا بكلم البت ساره لما بتقولي ان احتمال انك وفريده تتخطبوا فلاش باك زاهر : هاي سارة ازيك ساره : هاي زاهر I'm fine انت عامل ايه زاهر تمام امال اخبار الشله ايه محدش باين منهم لا اسر ولا جو ولا حتي ادم ساره : ليه انت متعرفش زاهر باهتمام : معرفش ايه هوا فيه جديد ساره بضيق: اصل اسر و فريده هيتخطبوا قريب زاهر : بجد مكنتش اعرف بس الواد اسر ده طلع لعيب و اد كلامه عرف يوقع البت ساره باهتمام: ازاي زاهر : ها لا ابدا متخديش في بالك ده موضوع ما بينا ساره بخبث ودلال : كده برضو يا زاهر هتخبي عليا انا برضو طب انا مخ**اك زاهر : وانا اقدر علي زعلك يا جميل ساره بانتصار:؛ طب يلا قول انت هتخبي عليا..

Free reading for new users

Scan code to download app

App Store Google Play

Facebookexpand_more