Ino ManaloPakiramdaman
Nang magpasiya ang mga magkakapatid na Vergara tungkol sa ikalimampung anibersaryo ng kanilang mga magulang, nagkaisa ang lahat na si Jonas ang nararapat na maging tagapag-ugnay ng buong selebrasyon.
Ang sabi pa nga ng Diko Luis, sa kanilang magkakapatid, si Jonas ang pinakamaayos magplano. Siya rin ang mas nakakaalam ng mga seremonyas sa simbahan dahil kahit bata pa lamang, malapit na ito sa mga pari. Ayon naman kay Ate Nelia, si Jonas ang may pinakamaraming kilala. Tiyak na malaki ang makukuha nitong mga diskuwento mula sa kanyang mga kaibigan. Dagdag pa nga ng bunsong si Lisa, matinik itong Sangko niya kaya nga ang darning nagkakagusto. Guwapo naman kasi at bise-presidente pa sa kanyang kumpanya. Lagi na lamang siyang tinatanong ng mga barkadang babae kung bakit
