روايه جيران الهنا

النبي عليه الصلاة والسلام وصي علي سابع جار ، لو الناس تمشي بالكلام ده هنرتاح وتبقي عمارتنا غير اي عماره ، احنا عمارتنا 5 ادوار كل دور فيه شقه الاول شقه الأستاذ حماده وزوجته اماني وبنتهم رودينا التاني شقه الأستاذ مصطفي وزوجته آيه وابنهم حمزه الثالث شقه استاذ عمرو وزوجته تقي وابنهم يونس الرابع شقه استاذ احمد وزوجته شاهندا وابنهم حسام الخامس شقه الحاج يحيي الي هو انا وبنتي رقيه محدش فينا بيحس انه غريب كل يوم بتحصل معانا مواقف وبتتحل في شقه أحمد وشاهندا أحمد : يا شاهندا قومي من فضلك شوفي الزفت بتاع السوبر ماركت عايز ايه شاهندا : طيب طيب الراجل بره يسمعك أحمد : مايسمع هو مين يعني عشان اهتم يسمع كلامي ولا لا شاهندا : الحمد لله ماخدش باله ، يا احمد لازم تعامل الناس احسن من كده ماتعرفش الراجل ده لو شافك في مشكله ممكن يساعدك أحمد : خليه يوفر مساعدته لنفسه ، المهم هنروح النهارده عند ماما شاهندا ؛ بس ده يوم مامتي انا أحمد : بقولك ايه انا امي اهم رضا زوجك من رضا ربك شاهندا : أنت زهقتني بجد يا احمد كفايه بقي أحمد : أحمدي ربنا متجوزه الاستاذ أحمد مدير شؤن قانونيه في اكبر الشركات انتي درستي ايه بقي قوليلي شاهندا ؛ هو انت الناس عندك كلها بتتقاس بفلوسهم ومنصبهم وتعليمهم أحمد : اكيد طبعا مافيش اي وجه مقارنه بين عربيه التا** والعربيه الملاكي شاهندا : صدقني اخره الغرور وحشه يا احمد أحمد : سايباني وماشيه وانا بكلمك شاهندا : هروح انشر سيبني قبل ما حسام يصحي شقه حماده واماني اماني : دي عماره تق*ف بجد انا زهقت حماده : في ايه يا اماني علي الصبح اماني : الست شاهندا اللي في الرابع دي بتضايقني ، كل يوم بتغسل بطاطين هي ايه لاقيه صحتها حماده : معلش يا حبيبتي اكيد ماتقصدش اماني : طيب يا حبيبي الجاكيت بتاعك اللي بتحب تلبسه مبلول ولسه مانشفش بسببهم حماده : يانهار ابيض ازاي ، انا هوريهم راح حماده يخبط علي أحمد وشاهندا اللي في الدور الرابع حماده : ازاي تنشرو بطانيه وتبهدلو هدومنا كده ، اروح الشغل ازاي دلوقتي أحمد : أيوه يعني بتزعق علي الصبح ليه كل ده عشان حته بطانيه نقطت علي الجاكيت بتاعك ، بكام يعني الجاكيت بتاعك ده حماده : اما انك راجل مش محترم صحيح أحمد : انا راجل مش محترم يا راجل ياقليل الادب انا هربيك طلع علي صوتهم الاستاذ مصطفي اللي في الدور التاني يحاول يصلح بينهم مصطفي : في ايه خير اهدي يا استاذ حماده اهدي يا استاذ احمد أحمد : وانت مالك يا استاذ انت مصطفي : يا استاذ عيب احنا جيران لازم تغير معاملتك دي أحمد : أنت اللي هتعلمني أتعامل ازاي درست ايه انت عشان تكلمني كده حماده : أنت يا راجل انت بتتكلم كده ليه مع الناس أحمد : اللي هيجي يخبط علي شقتي تاني ه**ر ايده انتم فاهمين وقفل أحمد الباب في وش حماده ومصطفي حماده : شوفت الراجل قليل الذوق مصطفي : سيبك منه ده اتجنن خلاص غروره وكبريائه خلوه اعمي مايعرفش ان الجار اولي بالشفعه حماده : يلا سلام عليكم ، وشكرا علي وقفتك معايا مصطفي : لا شكر علي واجب يا استاذ حماده نزل كل واحد علي شقته في شقه مصطفي وآيه آيه : ايه الدوشه اللي علي السلم دي ايه اللي حصل مصطفي : مانتي عارفه استاذ حماده عصبي جدا وجه يتخانق بقي مع استاذ احمد لجل حظه آيه : الراجل ده مش بطيقه ولا هو ولا مراته ناس قليله الذوق ومتكبرين في شقه حماده و اماني اماني :عملت ايه حماده : راجل قليل الذوق مش محترم تصدقي الراجل المجنون يقفل باب الشقه في وشنا انا واستاذ مصطفي اماني : يعني عملتو ايه معاه شال البطانيه ولا لا حماده : لا ماشالش البطانيه اماني : الحق يا حماده بصي الراجل بيعمل ايه ، بيرمي جردل مياه علي الغسيل حماده : لمي الهدوم جوه الشقه يا اماني واقصري الشر جه راجل مجنون اماني : يعني ايه هو اللي غلطان مش احنا انا هبلغ البوليس حماده : اقصري الشر يا اماني وانشري الهدوم جوه في المنشر الداخلي في شقه أحمد وشاهندا شاهندا : احنا اللي غلطانين يا احمد أحمد : بس اسكتي خالص ، انتي عارفه انا مين ولا ابن مين هما مين دول عشان يطلعو يزعقو معايا شاهندا : دول جيراننا يا احمد وانا غلطت أحمد : انتي تعملي اللي انتي عايزاه ارمي عليهم طين ولا يهمك وهما يخبطو راسهم في الحيط شقه عمرو وتقي عمرو : طيب سلام انت دلوقتي تقي : بتكلم مين عمرو : ده واحد صاحبي ماتشغليش بالك تقي : انا عارفه أنك بتخوني بس مش موضوعنا عمرو : كفايه شك بقي تقي : بس بس ، حماده ومصطفي كانو بيتخانقو مع أحمد اللي في الرابع عمرو : طيب ماعرفتيش ليه تقي : بيقولو عشان الغسيل بينقط بس الراجل ده كله عارف انه أسلوبه وحش عمرو : علي نفسه ، سلام تقي : سلام ونزل عمرو وهو بيطلع عربيته لقي أحمد خبطه في شنطه العربيه احمد : مش تحاسب يا جدع انت عمرو : مين اللي يحاسب انت مش بتشوف ولا ايه انت اللي خابطني أحمد : يلا مش مهم عمرو : مش مهم ايه انت ع**ط ولا ايه انزل وكلمني أحمد : في ايه انت ازاي تمسكني كده عمرو : امسكك ده انا هموتك حماده : اهدي يا عمرو مش كده عمرو : اهدي ايه خبطلي العربيه وأسلوبه زي الزفت معايا ايه قله الذوق دي يحيي : اهدو يا ناس مش كده عمرو : يا عم يحيي ده راجل مجنون كل يومين يعمل مشكله وبيعاملنا من طرف مناخيره ومش مكبر حد أحمد : انتو مين انتم عشان اكبركم يا شويه عرر يحيي : احترم نفسك يا ابني انت انا راجل قد أبوك اعمل حساب للجيره أحمد : جيره مهببه يحيي : استاذ مصطفي انت واستاذ حماد ده واستاذ عمرو بعد العشاء تيجو تقعدو معايا في اجتماع لسكان العماره مصطفي : تمام يا عم يحيي بعد اذنك عمرو : ماشي يا عم يحيي ، لولاك كنت **رته يحيي : اهدو بس انتو وكله هيتحل في شقه يحيي يحيي : دلوقتي احنا زهقنا من استاذ احمد وعمايله بس برضو ده جارنا عمرو : أيوه بس قليل الذوق يحيي : هنعمل ايه حماده : انا مشكله الغسيل حلتها وحطينا الغسيل جوه البلاكونه يحيي : تمام اوي مصطفي : وانا هتجنبه حتي لو شوفته مش هسلم عليه يحيي : طيب انا عايزكم محدش ليه علاقه بيه عشان ماتزعلوش من رد فعله في شقه آيه ومصطفي آيه : اتفضلي يا شاهندا اهلا بيكي شاهندا : فاكراكي هتطرديني آيه: لا طبعا احنا جيران المهم انتي عامله ايه شاهندا : نفسيتي تعبت من أحمد جوزي ، غروره موديه في داهيه يا آيه آيه : ربنا يهديه صدقيني كل إنسان وبيجي عليه وقت بيفوق من اللي هو فيه المهم الصبر شاهندا : يارب ، المهم انا بعتذر عن التصرفات البايخه اللي حصلت من أحمد جوزي و ممكن تبلغي اعتذاري ل مدام اماني آيه : حاضر شاهندا : استأذن انا عشان ورايا حاجات لازم اخلصها آيه : ربنا معاكي وابقي تعالي اقعدي معايا شاهندا : ربنا يسهل في شقه حماده واماني اماني : فينك يا آيه محدش بيشوفك يعني آيه : انتي عارفه بقي مشاغل الدنيا والشغل اماني : اها فعلا ربنا يعين كل واحد علي اللي هو فيه ايه : شوفتي شاهندا مرات الراجل المجنون ، عدت عليا من شويه قبل ما انزلك اماني : عايزه ايه مننا مش كفايه جوزها آيه : بتتأسف بالنيابه عن جوزها وبتقولي قولي ل مدام اماني ماتزعلش وانا مش هنقط عليها تاني اماني : بعد ايه خلاص حماده قالي انشري في المنشر الدخلي آيه : ربنا يكون في عونها ازاي هي عايشه مع الراجل ده في شقه عمرو وتقي تقي : بقولك بي**ني يا ماما انا سمعته وهو بيكلمها في التليفون وأول ما سمعني ارتبك الام : مش مشكلتي ، ماتخربيش بيتك وهو هيلف ويرجعلك ودوره معايا لما يطلع بس هوريه يومين ماشافهمش في حياته انا قاعده معاكي تقي : تنوري يا حبيبتي ربنا يخليكي ليا في شقه آيه ومصطفي مصطفي : اها وبعدين يعني لما هي خبطت عليكي فتحتيلها ليه يا آيه انتي مش عارفه اللي جوزها عمله آيه : ات**فت والله وصعبت عليا اوي اعتذرتلي علي اللي جوزها عمله وكمان قالتلي وصلي اعتذاري ل مدام اماني ولما لقيتها كده قولتلها ابقي تعالي اقعدي معايا مصطفي : يخرييت دماغك مين اللي تيجي دي انتي اتجننتي وعايزه تجيبي المشاكل لحد البيت آيه : لا ولا مشاكل ولا حاجه انت بس اللي بتكبر المواضيع مصطفي : بطلي بقي وخليكي عاقله وبطلي السذاجه دي يا ايه آيه : طيب طيب مصطفي : بقولك ايه ماتهاودينيش آيه : أنت عايز ايه دلوقتي بقي في شقه عم يحيي يحيي : رقيه يا رقيه انتي فين رقيه : أيوه يا بابا جايه أهو يا حبيبي يحيي : بقولك ايه يا حبيبتي ممكن تعمليلي قهوه رقيه : حاضر يا بابا بس ممكن لو سمحت تدخل من البلاكونه الجو برد عليك يحيي : انا برتاح هنا يا بنتي انا مبسوط الحمد لله رقيه : هتبرد يا حبيبي يحيي : يا ستي ، المهم اخوكي مراد ماتصلش بيكي رقيه : للاسف لا يا بابا يحيي : الغربه بتقسي القلوب اوي ، تعرفي بقاله يجي شهر ماتصلش وكمان ماشوفتوش بقالي 7سنين رقيه : يا بابا هو كويس وبيفتح نت وبشوفه عادي بس هو اللي مشغول اكيد لما يفضي هيكلمنا المهم انت تاخد بالك من صحتك يحيي : يجي هو بس وانا هبقي تمام يابنتي شقه أحمد وشاهندا شاهندا : مساء الخير أحمد : مساء النور ، حسام نام شاهندا : أيوه نام أحمد : طيب حضريلي العشا شاهندا : حاضر ، بس لو سمحت كفايه مشاكل في العماره ، عيني مابقيتش عارفه ارفعها قدام الناس أحمد : يا سلام ازاي يعني انتي تفتخري اني عاملك هيبه ومحدش بيقدر يكلمك شاهندا : ماهو محدش بيقدر يكلمني عشان الناس كرهتنا يا احمد أحمد : انتي كل اللي انتي عاملاه ده عشان العماره ده بدل ماتقولي حمد الله علي السلامه يا حبيبتي وتحضريلي العشا وانا لسه جاي من الشغل شاهندا : انا ماقولتش حاجه بس ياريت كفايه مشاكل ، أقولك يا سيدي خليني انا مني ل عم يحيي اي حاجه فلوس مياه غاز اي حاجه انا هبقي اديها لعم يحيي أحمد : طيب طيب انا داخل انام شاهندا : والعشا أحمد : سديتي نفسي تصبحي علي خير وبعد نص ساعه شاهندا صوتت وقالت يارب يارب نجينااااا