"HINDI ko sana ibibigay sa 'yo 'to, pero dinamay kasi ni Elise ang anak namin," anang lalaki, inilusot ang isang nakatuping papel sa gitna ng mga rehas kung saan din nakasampa ang isang braso nito.
Inabot ni Natalie ang papel, pasimpleng hinabol ang paghinga. Pero lalo lamang nakulangan sa hangin ang baga niya habang nakakatitig sa birthmark ni Larry na nasa kaliwang pisngi. It was Khael's father. Saka lamang niya naalala nang makarating sila roon sa police station at dumeretso sa block kung saan ito naka-detain. Ilang beses lamang niya itong nakita. Mula nang mabuntis si Elise ay hindi na siya nakarinig ng kahit na anong balita mula rito.
Lalong higit na hindi niya inakalang nakakausap pa rin pala ito ng kababata niya.
"Sinulat 'yan ng tatay ko bago siya namatay. Pinapabigay niya 'ya
