Khione’s POV
Kinabukasan ay inutusan naman kami ni Reyna Sabrina na magensayo sa mga nakatagong training rooms sa loob ng palasyo. Wika niya ay upang maging handa kami sa ano mang oras. Hindi naman kami makahindi dahil alam naman naming may punto siya. Abala sina Mor at Hiro sa pakikipaglaban sa isa’t isa habang pinapanood at tinuturuan sila pareho ni Sir Prithious, ang naging maestro ko rin noong ako ay nagaaral pa lamang dito sa palasyo. Samantalang kaming tatlo din naman nina Neon at Zeref ang naglalaban. Kahit papaano ay may natutunan naman ako mula kay Haring Anelius kaya nais kong masubukan ang mga ito. Mabuti na lamang at binigyan kami ng oportunidad upang gawin ang bagay na ito.
Napangiti ako ng makita ang isang apoy na kasing puti ng nyeba sa aking mga kamay, dahan dahan ko ito
