عودة الغائب ( شيطانة )

الفصل الثالث عشر

الفصل الثالث عشر .

عودة الغائب ( شيطانة ) تأليف سماح عياد .

أخذت مديحة حقيبتها و نزلت من الباب الخلفي و أرادت أن تأخذ أولادها معها ، و لكن العمدة عرف حيث أخبره أحد الغفر فأمره العمدة بإحضارها .

جائت فأخذ منها العمدة حقيبتها و منعها من أخذ أولادها و طردها من القصر لبيت أهلها بعد أن جعلها تترك كل ما جمعته معها من نقود و مصاغ ، حتى حقيبة ملابسها تركتها .

أم جمال تبكي و بنات جمال هن أيضاً يبكين فصرخ فيهن العمدة و قال : اللي عسمع حسها فيكم عقطع لسانها .

خافت الفتيات و صعدن لحجرتهن مع الخادمة الخاصة بهن .

و كذلك فعلت أم جمال لأنها تعرف أن العمدة رغم طيبة قلبه و رجاحة عقله إلا أن غضبه لا يحتمل لذلك أغلقت عليها باب حجرتها و أخذت تدعو الله أن تهدأ الأمور في القصر و تعود السعادة و الهدوء للقصر من جديد .

دخل العمدة حجرته و لكنه كان هادئ إلى حد ما ، نظر لها و قال .

العمدة : عاجبك اللي عمله ولدك يا مرة العمدة .

أم جمال : لا عاجبني اللي عمله و لا عاجبني عمايلك يا أبو جمال .

العمدة : و كنتي عايزني أعمل ايه و ولدي الحيلة عيطردني من بيتي و أنا لسه بصحتي و في عزي .

أم جمال : قولتلك طول بالك ، و بلاش تتكلم معاه و الغضب عاميه .

العمدة : و إنتي الصادقة مرته هي اللي عمته ، دا كان عايز يقتل باسم ولده ، و إتهجم على أوضتك و أنا لسه عايش على وش الدنيا ، أمال لما أموت عيعمل فيكم ايه .

أم جمال : بعد الشر عنيك يا عمدة ، بس بردوا إنت غلطت لما ضربته بالقلم قدام بناته و مرته .

صمت العمدة و كأنه يعد خطة ما ، ثم نظر لها و قال .

العمدة : عايزك تدلي مع خديجة و شافعي على مصر .

أم جمال : يا ندامتي يا أبو جمال ، عايزني أهمل داري و مين يراعي البنات و لا العيلين اللصغار و أمهم مش موجودة .

العمدة : دا على أساس إنها كانت عتراعيهم و هي موجودة ، دي طول النهار بتعس ورا ولدك و مش فالحة غير تحط أحمر و أخضر .

أم جمال : خديجة و شافعي يسافروا و فرصة أم كارم بتزور قرايبينها في مصر ، و هي تبقى تقعد معاهم و تراعي باسم ، و لو عايز أني ممكن أبعت واحدة من البنات اللي عيخدموا في القصر معاهم .

العمدة بغضب : عتلمي خلقاتك دلوقتي و تروحي لخديجة و لا تلمي خلقاتك و تروحي دار أبوكي .

خافت أم جمال و قالت : أمرك يا أخويا أروح لخديجة .

جلس جمال في الزنزانة و هو يشتعل من الغضب و الغيظ و يتوعد لوالده و لكنه صمت عندما و جد والده جاء و دخل الزنزانة المجاورة له و أغلق الباب على نفسه .

إنتظر جمال أن يتكلم معه والده أو يعاتبه أو حتى يعنفه و لكنه وجد والده قد فرش سجادة الصلاة و بدأ يصلي و يدعوا الله كثيراً ثم جلس و المسبحة بين أصابعه و قال لجمال : دي خلوتي يا جمال مش سجن و لا زنزانه ، أنا هنا بحس براحة .

لم يرد عليه جمال فأكمل العمدة كلامه و قال : أنا دعيت الله إنه يبعدني عن الظلم ، الظلم ظلمات يا جمال يوم القيامة ، دعيت ربنا لو إيمان بريئة يوقف لها ولاد الحلال اللي يهربوها و يسبتوا برائتها ، و الحمد لله يا ولدي مرتك ربنا رزقها باللي يهربها و إن شاء الله هتشوف دليل برائتها بعنيك .

جمال بغضب : خاينة و بنت ستين كلب و أنا شفت خيانتها بعنيا ، و هجيبها يابه و هعلقها في وسط الجنينة لغاية لما تموت .

لا يريد العمدة أن يخوض في ذلك الجدال العقيم مع جمال لأنه متأكد أن جمال ليس على طبيعته و أنه يعاني من خطب ما لذلك قال له .

العمدة : أنا بعت للشيخ ياجي يرقيك و يكلمك عن بر الوالدين و جزاء عقوق الوالدين في الدنيا و الأخرة .

جمال بغضب : أنا مش عيل علشان تديني درس في الأخلاق و جايبلي واحد يفهمني و يعرفني اللي أنا عارفه و فاهمه .

العمدة : إنت مش جمال ولدي ، إنت أكيد مسقي ، مرتك سقتك سحر قلب حالك في يوم و ليلة .

جمال بغضب : ليه بتكره ديحة ليه شايلها فوق راسك

قاطعه العمدة و قال : أني طردت مرتك ، و أمك سافرت مع خديجة علشان تعمل عملية و تجيب صبي لشافعي و عيالك كلاتهم في القصر لوحديهم ، و الخدامين كل واحد روح و خد مرته معاه ، سامع عيالك بيعيطوا كيف يا جمال ، و لو ملحقتهمش ممكن يضيعوا منيك .

قام جمال مثل المجنون يحاول أن يخرج من القفص و هو يصرخ و يشتم والده .

جاء الشيخ مبروك و عندما رأى حالة جمال تأكد من أنه غير طبيعي لذلك طلب من العمدة أن يخرج و يتركه مع جمال ، بالفعل خرج العمدة و ترك الغفير مع الشيخ الذي يقرأ القرآن على جمال ليبطل مفعول السحر الذي حاكته له زوجته مديحة .

بعد وقت طويل خرج الشيخ و معه جمال بحال مختلف عما كان عليه و ذهب لوالده فوجده يجلس في وسط بنات جمال اللاتي يتسامرن و يلعبن مع والده و هو يضحك معهن و يلاعب ولديه الصغيرين و يطعمهم .

شعر جمال بالخجل من والده فذهب و قبل يده و إعتذر منه و بعدها إستأذن من والده و أخذ أطفاله و صعد للجناح الخاص به لأنه يشعر بإرهاق شديد .

العمدة : متشكرين يا سيدنا الشيخ .

الشيخ : الشكر لله يا عمدة .

العمدة : جميلك فوق راسي يا شيخنا ، و ربنا يقدرتي و أردوهولك في الخير .

الشيخ : يا عمدة أنا كنت عايز أكلمك في موضوع إكده ، لو تإذن يعني .

العمدة : إتفضل يا ولدي .

الشيخ : جمال بيحب يا عمدة و اللي بيحب بتبقى روحه في حبيبه و بيبقى معمي عن عيوبه ، فبلاش تحط العقده في المنشار يا عمدة و سامح و خلي الميه ترجع لمجاريها علشان خاطر عيالها و علشان خاطر ولدك .

العمدة : عترجع يا شيخنا بس لما تتأدب و تعرف إن الله حق هي و أهلها .

الشيخ : جزاك الله خيراً يا عمدة ، هبقى أجي باكر إن شاء الله بعد صلاة الفجر أقرى على جمال ، و أهم حاجة القرآن يا عمدة و بالذات سورة البقرة تشغلوها حنبه و هو نايم و ينام على وضوء و طبعاً الصلاة يا عمدة دي مش محتاجة كلام .

..............

مأمور المركز : الإشارة دي جت أمتى يا إبني .

العسكري : من حوالي ساعتين يا أفندم .

المأمور : و لما هي جت من ساعتين منفزتوش ليه .

العسكري : يا سعادة الباشا دا أمر بالقبض على جمال العمدة و لابد سيادتك تكون موجود على رأس القوة .

المأمور : طيب يلا إجهزوا ، هنتحرك حالاً .

..............

ينادي العمدة بأعلى صوته : جمال ، يا ولد يا جمال .

نزل جمال مسرعاً و هو يقول : نعم يا بوي .

العمدة : الحكومة يا ولدي جايه على إهنه ، تطلع من الطريق الغربي و تدلى عند خوالك في فرشوط لغاية لما نشوف موال الحكومة دون .

جمال : و الحكومة عايزاني في ايه يابه عاد .

العمدة : عيقولوا الولية أم إيمان تهماك في خطف بتها و كماني رجالتك كانوا عايزين يقتلوا الوليه و الجيران كانوا شاهدين ، هم يا ولدي مفيش وقت واصل .

جمال : و عيالي يابه .

العمدة : عتوصيني على أحفادي يا جمال ، دول نور عيني و قطعة من قلبي ، متخافش يا ولدي ، هِمّ إنت مفيش وقت .

جمال : أني عتصل بالمحامي .

العمدة : لع ، تليفونك دا تقفله واصل و تستخدم التليفون التاني ، و متشغلش بالك أني اللي عتصل بالمحامي ، و عدلى مصر بنفسي أتابع القضية .

جمال : لو إكده يابه خلي ديحة تعاود أهي تاخد بالها من البنات و تراعي العيلين اللصغار .

العمدة : لع عيالك كلاتهم عيدلوا معايا مصر ، أنا عاخد معايا الخدم .

جمال بغضب : ليه إكده يابه ، أمهم أولى بيهم .

العمدة : السحارة بنت الخدامين من هنه و رايح معأمنش على ولادي معاها .

جمال بغضب : و بعدهالك يابه .

العمدة : عتمشي لحال سبيلك و لا عتستنى الحكومة تعكشك .

خرج جمال و هو يتوعد لإيمان و أمها و كذلك لرجاله الأغبياء الذين ورطوه مع الشرطة ، أما حبيبته مديحة فذنوبها كلها مغفورة لديه بإسم الحب ، فلتفعل ما تشاء فهي حبيبته التي سيأدبها و لكن لن يستبدلها بأخرى حتى لو قتله بسكينة بارده .

..........

داخل السجن ، حيث ذهبت أم كارم لزيارة إبنها كارم .

أم كارم : إتوحشتني قوي يا ولدي ، كيفك يا نور عيني .

كارم : بخير يا يمه ، كيفك إنتي و كيف خياتي .

أم كارم : بخير يا ولدي ، المحامي طمني يا ولدي و قال إنهم عيعيدوا التحقيق و عيجيبوا البت الوسخة اللي إتبلت عليك يا ولدي و ربنا عيظهر الحق .

كارم : هو صح يا يمه المحامي ماعياخدش فلوس واصل .

أم كارم : لع يا وليدي معياخدش فلوس واصل ، ربنا يكرمه و يعلي مراتبه .

كارم : إزاي يا يمه معيخدش فلوس واصل ؟

أم كارم : دا محامي كبير و بيساعد المحتاجين لوجه الله ، أمانه عليك يا وليدي تردله دينه لو قدرت في يوم .

كارم و هو يحمد الله و يتفائل خيراً في القادم : عهد عليا يا يمه أردله دينه لو ربنا قدرني ، إدعيلي يا يمه أخرج ، مقدرش على خنقة الحبس .

أم كارم : دعيالك يا وليدي ، ربنا يفك قيدك و يرجعك ليا و لخياتك سالم غانم .

...........

في بيت أبو مديحة زوجة جمال .

أم مديحة : خربتي بيتك و بيوت إخواتك معاكي يا ديحة ، ليه يا بتي إكده ، دا المثل بيقول الطمع قل ما جمع .

مديحة ببكاء : لأ يا يمه ، مستحيل جمال يطلقني .

أم مديحة : طلقك و العمدة و مرته خدوا عيالك و إدلوا على مصر و قفلوا الصرايه .

مديحة : أنا لازم أدلى مصر لعيالي .

أم مديحة : متخافيش على عيالك ، خافي على نفسك و على أخواتك و عيالهم اللي طردهم العمدة من الشغل و خياتك البنات اللي جوازهم طردوهم خايفين ليكونوا سحارة زيكي ، كلها كام يوم و عنشحت على البيبان و يعالم مين عيرضى يدينا حتى لقمة ناشفة .

مديحة : جمال عيحبني و مستحيل يهملني إكده ، أكيد عيعادو ، هو معيستحملش أبعد عنه .

أمها : موت يا حمار على ما يجيلك العليق .

بكت مديحة و هي نادمة على كل ما فعلته .

............

في القاهرة .

العمدة : طلباتك يا متر .

وقف تامر بغضب و قال : أنا كل اللي عايزه هو العدل .

العمدة : مختلفناش ، و العدل دا عيطلع بكام .

تامر : العدل يا عمدة يعني رفع الظلم و معاقبة الجاني و أظن حضرتك فاهمني .

العمدة : كلامك زين لكن فعلك شين .

تامر بغضب : يا عمدة أنا محترم سنك و مقدر وجودك في مكتبي ، لكن أنا مسمحش لحد يهيني .

العمدة : عتقعد و نتفاهم و نتراضى و لا عتفضل كيف الديك الشركسي تكاكي على الفاضي .

تامر : أنا بعتذر يا عمدة لأني عندي محكمة و مش فاضي للمهاترات دي .

العمدة : بكيفك ، بس إحنا لينا تار حداك .

تامر بدهشة مصحوبة بخوف : تار ، تار ايه !!!!

و قف العمدة و توجه للباب ثم إلتفت بعدما فتح الباب و قال بصوت عالي سمعه كل من في المكتب : الندل اللي كان عيقابل واحدة متجوزة في شقته من ورى جوزها معنسيبوش واصل ، دا شرف و الشرف معيغسلوش غير الدم .

ثم خرج و ترك تامر داخل دوامة ، هل إنقلب السحر على الساحر ؟

ماذا سيفعل الأن ؟ هل سيبيع كارم و يضحي به في سبيل إنقاذ نفسه .

ماذا عن إيمان ؟ هو من إستدرجتها ، هو من أراد أن ينتقم منها ، هل سيضحي بها أيضاً .

كيف سينفذ ما طلبه منه العمدة ، كيف سيستدرج زوبة لتدله على مكان إيمان .

شعر بالغضب من نفسه ، كم هو حقير ، لماذا فعل بها ذلك .

و لكنه أجاب على نفسه و قال أنها هي من فعلت ، هي من أقنعته بالعودة للجامعة لإكمال رسالة الدكتوراه الخاصة به من خلال الحساب الوهمي على الفيس بوك و التي كانت تتواصل معه كصديق و ليس صديقة .

أعياه التفكير ، حاولت سما أن تعرف قصة ذلك الرجل الصعيدي الذي كان في المكتب اليوم و لكنها لم تستطيع بسبب رفض تامر إخبارها بأي شيئ و لأنه هرب لبيت والدته و الذي يعد مكان محرم على سما .

الفضول يأكلها و لكن لا فائدة من كل محاولاتها و ذلك جعلها تشك في إيمان ، لذلك ذهبت للجامعة لتتحدث معها و لكنهم أخبروها أنها في أجازة ، أخذت سما عنوان شقة إيمان و ذهبت لشقتها و عندما طرقت الباب فتحت لها أم إيمان فأخبرتها سما أنها زميلة إيمان في العمل و قد جائت لتطمئن عليها .

لم تستطيع فايزة أن تمسك دموعها و أخبرت سما أن إيمان في ضائقة و طلبت منها أن تدعوا لها ، حاولت سما أن تعرف ماهي الضائقة التي تمر بها إيمان و لكن فايزة كانت حريصة لأنها شعرت أن سما تستجوبها فخافت و لم تخبرها بشيئ .

بعد مغادرة سما نزلت فايزة و توجهت للمستشفى الحكومي و إستغلت الزحام و وجود باب أخر للمستشفى و خرجت من الباب الأخر بعد أن بدلت ملابسها و توجهت للمقابر لتطمئن على إيمان التي تحسنت صحتها و لكن حالتها النفسية سيئة جداً بسبب صدمتها في تامر و خوفها على باسم و شوقها له و الشعور بالذنب الذي يقتلها .

سما هي تلميذة تامر التي تفوقت على أستاذها إستطاعت تتبع فايزة و وصلت للمقابر و إستمعت للحوار الذي دار بين إيمان و فايزة و زوبة ، و إستطاعت ربط الأحداث و عرفت كل شيئ .

خافت سما ، لا ليس خوف بل رعب من أن يصيب زوجها تامر أذى و خاصة مع تهديد ذلك الرجل الصعيدي الذي يبدو عليه الثراء و القوة .

توجهت سما بعد تفكير عميق لمكتب المحاماه الخاص بوالد تامر و أخبرته بكل شيئ و أحضرت معها الملف الخاص بقضية كارم .

حازم والد تامر و معه سما مستعدان لبيع كارم و إيمان و الدنيا كلها مقابل حماية تامر من مجرد خدش بسيط و هذا أمر مسلم به .

طلب حازم لقاء تامر و بالفعل جاء تامر الذي يحيطه عدد من الحرس على غير العادة .

دخل حازم لمكتب والده و أغلق الباب فبادر حازم و قال بدون مقدمات لأنه لا يوجد وقت يضيعه .

حازم : تامر أنا و سما عرفنا كل حاجة ، العمدة يقدر يوصلك لو كان بيحميك ألف حارس ، الراجل دا مش سهل .

تامر : عرفتوا ايه يا بابا ، دي قضية بسيطة و أنا رفضتها و الموضوع إنتهى .

حازم : مفيش وقت يا تامر علشان نضيعه ، الناس دي بتحوم حولين مكتبك و الفيلا فأرجوك ممكن ندخل في الموضوع و نتكلم جد .

تنفس تامر بعمق و شعر أن الله قد أرسل حل لمشكلته : أوكى ، أنا مش عايز سما تعرف حاجة .

حازم : سما عارفه كل حاجة بالفعل و هي اللي جاتني و قالتي على المصيبة اللي وقعت نفسك فيها علشان خاطر واحد مجرم مايسواش حاجة .

تامر : بابا لو سمحت .

حازم بغضب : إسمعني يا تامر كويس و اللي هقوله يتنفذ بدون جدال ، إنت هتاخد مامتك و إخواتك و أولادك و تسافروا على الشاليه بتاع الغردقة تقعدوا هناك لغاية لما أقولكم ترجعوا .

تامر بغضب : إستحالة أهرب زي الجبان ، أنا هفضل هنا و أواجه العمدة ، و أسبت برائة كارم .

حازم : تواجه ايه و زفت ايه ، دور الفارس النبيل اللي إنت عايشه دا خلاص تنساه ، و لعلمك أنا كنت سايبك علشان تكسب شعبية لأنك داخل الإنتخابات .

تامر بغضب : إنتخابات ايه دي ، طفل أنا قدام حضرتك بتختارله حياته .

حازم لهجة صارمة : أيوه طفل و عيل كمان و كلمة كمان مش عايز أسمع ، حالاً تاخد أمك و أخواتك و ولادك و تسافر حالاً ، و لا حضرتك مش خايف عليهم .

تامر بقلة حيلة : حاضر أي أوامر تانيه .

حازم الذي لان في الحديث مع إبنه تامر : الناس دول يا تامر مش بتهزر و الكلمة عندهم ميثاق ، و طبعاً إنت عارف إنك غلطت دول صعايدة و الشرف عندهم غالي فلما تجيب واحدة في شقتك و تتصل بجوزها و تقوله تعالى إقفش مراتك الخاينة

قاطعة تامر و قال : مش خاينة ، إيمان أشرف واحدة في الدنيا و أنا اللي إبتذتها علشان تيجي الشقة .

حازم : للمرة المليون بقولك دور الفارس النبيل دا تنساه لأن لو هي مش خاينة زي ما بتقول يبقى أنا معرفتش أربي و يبقى إنت إبن كلب وسخ ، الكلام اللي إنت قولته دلوقتي تنساه خالص ، البت دي بت وسخة و كانت عايزه تجر رجلك ، دا الكلام الوحيد اللي هيتقال .

قاطع حوارهما رنين هاتف حازم ، مسك هاتفه و نظر له و قال لتامر : يلا إنزل هما مستنين تحت .

تامر : مين اللي جابهم .

حازم : مراتك اللي أنا مش عارف من غيرها كان هيجرالك ايه ، أو بمعنى أصح هيجرالنا كلنا ايه .

توجه تامر للباب ثم إلتفت لوالده قبل أن يخرج و قال : تبلغني بكل حاجة ، عايز دايماً أكون في الصورة .

حازم : إتوكل على الله ، و أنا هبلغك بكل جديد .

خرج تامر فوجد سما حاول أن يقترب منها أو يحدثها و لكنه لأول مرة يراها غاضبة هكذا ، و بالطبع عندها حق لأن المرأة قد تسامح في أي شيئ إلا الخيانة .

تركها تامر و مشى و هو يلوم نفسه و يشكرها في نفس الوقت .

نادت عليه سما فإلتفت بسرعة و هو مبتسم و عاد لها و قال : نعم يا حبيبتي .

سما بوجه خالي من أي تعبير سوى الغضب : خلي بالك من الولاد و ممنوع ينزلوا البسين الجو برد .

ثم تركته و دخلت حجرة مكتب والده و أغلقت الباب بقوة .