Tumagal din ng ilang minuto ang pagpasa nila ng kanilang mga ibang documents, lalo at kinailangan pa nilang ulitin ang ibang mga papel na mali ang format. May mga papel din na halos nakusot na kaya nagkusa na silang palitan at baka mas mahirapan pa sila.
"Sana naman ay okay na yun." Sabi ni Sara na uminom ng tubig mula sa tumbler nitong dala. Ayaw kasi nito na bumili sa tindahan, bukod kasi sa mahal e di naman yung branded ang binibenta na tubig. Mula iyon sa mga water refilling station na ayon dito ay di naman sigurado kung malinis ba kaya maging sila ni Turo ay napabili na din ng tumbler.
"Okay na yun, nilagyan na ng received diba." Si Turo na naupo na sa may tabi nito.
"Uuwe kana Jana?" Tanong ni Sara sa kanya. Napakunot naman ang noo niya, saka palang naalala na hihintayin pala siy
