Dahan dahan niyang idinilat ang kanyang mga mata, nawala na ang malaking ahas na kanina ay nasa harap niya lang.
"Paano mo makikita ang kalaban kung pipikit ka?" Sabi ng isang baritonong tinig mula sa kanyang likuran. Pamilyar na pamilyar ang tinig na iyon na kahit yata ilang taon na ang lumipas ay di niya malilimutan.
Marahas siyang lumingon upang kompermahin ang kanyang hula, at tila natuka na siya ng ahas nang masilayan ang mukha ng lalaking malaki ang naging parte sa buhay niya at ng kanyang kapatid. Ang lalaking nagturo sa kanyang batang puso kung paano ba ang magmahal. Malaki man ang ipinagbago ng anyo nito ay nanatili naman ang tanda niya sa features nito, lalo na nakumperma ang kanyang hinala nang makita ang tattoo nito sa may leeg at alam niyang maging sa balikat nito ay mayro
