Habang nagkukuwentuhan sila ni Allysa at Alice sa sala malapit sa lugar kung saan din nandoon ang kanilang mga magulang ay pumukaw ng interes niya ang pinag-uusapan ng mga ito.
Hindi niya mapigilang makinig dahil may kaugnayan ito sa kinilala niyang ina pati na kay Skylar.
"Khrystal, kumusta 'yong batang lalaki na kaklase nina Allysa? Di ba nakipagkita siya kay John para makipag-usap?" tanong ni Shaira habang nilalaro-laro ang natirang salad sa kanyang platito gamit ang kanyang tinidor.
Nakatingin lang si Akhi kay Allysa at Alice habang kunwaring nakikinig sa usapan ng dalawa. Kahit na ang totoo ay nakatuon sa pinag-uusapan ng kanyang magulang ang kanyang atensyon.
"Oo nakipagkita siya dahil gusto niya kaming balaan tungkol sa pinaplano ni Joan laban sa amin," nagtatangis ang bagang
