Alas-diyes na ng gabi nang matapos ang kanilang salo-salo. Pagkatapos magpaalam ng mga bisita ay tumulong siya sandali sa pagliligpit ng mga kinainan nila.
"Anak ayos ka lang ba? Kanina ko pa napapansin na parang ang tahimik mo. May problema ka ba?" tanong ng Mommy Khrystal niya sa kanya.
"Akhi kung may problema ka sabihin mo lang sa amin. Kung may lalaking nanggugulo sa 'yo sabihin mo lang sa akin at ako na bahala sa kanila," paalalang sabi ng Daddy John niya sa kanya.
Nag-isip muna siya ng idadahilan niya bago magsalita.
"Daddy..." naluluhang sabi niya sabay yakap dito.
Naramdaman niyang yumakap din pabalik ang daddy niya sa kanya.
"Bakit Akhi may masakit ba sa 'yo?" nag-aalalang tanong nito sa kanya.
"Alam kong nag-aalala ka anak tungkol sa narinig mo kanina. Huwag kang ma
