"Good morning!"
Sa masayang pagbati ko na iyon ay nagtatakang napaangat ng tingin si Violet bago mariin na tinitigan ako sa aking mukha. Hinawakan pa niya ang kanyang baba na tila ba kinikilatis ako sa hindi ko alam na dahilan.
"B-Bakit? M-May dumi ba ako sa mukha?" agarang tanong ko naman.
Ngunit lalo lamang mas lumalim ang pagtitig sa akin na iyon ni Violet. "Hmmm... May kakaiba sa presensiya mo ngayon," napapaisip pa niyang sambit, "Yung awra mo eh. Masyadong napakaliwanag. Kulang na lang ay masilaw ako sa ngiti mo."
Agarang napalunok naman ako dahil tila alam ko na kung saan tutungo ang aming usapan na ito. Basta si Violet talaga ay ang bilis na makaramdam.
"H-Ha...? A-Anong sinasabi mo riyan?" pag-iwas ko ng tingin sa kanya bago pa siya tuluyan na makahalata, "Kaaga-aga mo naman
