Katulad ng naisip na plano ni Apollo ay pumayag ako na hindi sabihin kina mama na siya ang isasama ko sa aming reunion. Alam ko na hindi maganda ang maglihim sa aking magulang pero katulad ng nais ni Apollo ay nais ko rin supresahin silang lahat.
Ngayon pa nga lang ay nai-imagine ko na ang magiging mga reaksyon nila kapag pinaalam ko na may nobyo na ako at sadyang hindi ko ibinigay alam ito sa kanilang lahat. Pero baka mas mabigla sila kapag napag-alaman nila na ang boss ko na siyang malimit na laman ng mga napapanuod nilang balita ang mismong naging nobyo ko.
Ngunit hindi ang tungkol dito ang dapat pinagtutuunan ko ng pansin ngayon. Dahil may isang buwan pa naman ako bago sumapit ang bakasyon namin ng December.
Sa ngayon kasi ay mas importante na isipin ko ang anuman na ipagdiriwang
