Kung nakakatunaw lang siguro ang tingin ay kanina oa natunaw ang aking hawak na phone. Sa buong maghapon kasi na aking pagtra-trabaho ay maya't maya ko na sinisilip ito ngunit wala man lang ako natanggap niisang mensahe galing kay Apollo.
Alam ko na may inaayos siyang problema roon pero kahit papaano ay umaasa ako na makatanggap kahit pagbati lang sa aming monthsary.
Kaso matatapos na ang araw na bigo ako.
Dahil doon ay malakas na napabuga ako ng buntong hininga para maibsan ko ang pamimigat ng aking kalooban. Ayoko talaga magtampo o magalit kay Apollo pero hindi ko maiwasan na magdamdam.
Sa katunayan ay pwede naman ako mismo ang tumawag sa kanya. Iyon nga lang ay mas nanaig ang takot ko. Natatakot ako na baka makaabala lang ako sa kanya at makumpirma na rin nakalimutan niya ang oka
