"Let me entertain some of our guests first," sabi nito.
Napangiti ito nang napatingin ito kay Paolo habang siya naman ay hindi na mapalagay. Naguguluhan din si Paolo sa sinabi ni Keira at talagang wala siyang ideya kung bakit nasabi iyon ng dalaga. Napatingin siya sa paligid sa pagbabasakaling makikita niya roon si Cedric pero nabigo lamang siya dahil hindi mahagilap ng kanyang mga mata ang kanyang pinsan at nang lingunin niya si Nayume ay napansin niya ang paglinga-linga nito sa paligid na para bang may hinahanap. Kung hindi siya nagkakamali, iisang tao lamang ang kanilang hinahanap.
"I'm sure, he's not here," pabulong niyang saad sa dalaga.
"Magsasabi naman sa akin 'yon kung a-attend 'yon kaso, wala siyang binanggit kaya sigurado akong wala siya rito."
Nakita niya ang paggaan ng
