"Mommy, okay lang po ba kayo?" tanong ni Phil kay Nayume nang mapansin ng bata ang pagkatigagal niya nang nawala na sa kanilang paningin ang sasakyan ni Paolo. Parang natauhan naman siya nang marinig niya ang boses ng kanyang pamangkin lalo na nang hawakan nito ang isang daliri niya.
"Okay lang ako. Halika na, pasok na tayo. Nasaan na ba sina Lolo at Mama?" tanong niya sa bata habang hawak-hawak niya ito sa pulsuhan nito habang naglalakad sila papasok ng bahay.
"Naghahanda po sila ng hapunan natin, Mommy."
"Pa?" tawag niya sa kanyang ama nang nakapasok na sila sa bahay. Agad na lumabas si Leon mula sa kusina saka niya sinalubong ang kanyang anak na kakauwi lang galing ng trabaho.
"Nak?"
Agad siyang nagmano sa kanyang ama saka siya napatingin sa loob ng kusina.
"Mia po?" tanong ni
