"Sandali po! Heneral Winslot! Sandali po!"
Kunot-noong bumaling ang paningin ni Heneral Winslot sa kaniyang kawal na humahabol sa kaniya. Huminto siya sa paglalakad at inantay itong makarating sa kanyang harapan. Nang ito'y nasa kaniyang harapan na, tumayo ito ng tuwid at sumaludo sa kaniyang harapan. Isang bagay na ginagawa ng nakakababang antas ng estado. Isang paggalang sa nakakataas sa iyo.
Tinanguan niya ito na ang ibig sabihin ay magpatuloy.
"Nalaman na po ng pinunong si Zacheus na kasulukuyang nasa piitin nila ang mga preso na ating dala-dala. Galit na galit ho, ito. Ano pong gagawin natin? Ano pong ipag-uutos niyo, heneral?"
Ang mga presong ito ay galing pa sa Occidens. Nasa mga bente ka-tao ito. Ito ang mga makasalanang tao na magagamit nila sa kanilang kaharian. Sa pamamagi
