لم يكن بالحسبان

ﺍﻟﺒﺎﺭﺕ ﺍﻻﻭﻝ ﻓﻴّﺪ ﻋﺒﺪﺍﻟﻠﻪ ﺍﻟﺴﻼﻡ ﻋﻠﻴﻜﻢ ﺍﺑﺪﻱ ﻗﺼﺘﻲ ﻭﻳﺎﻛﻢ ﺍﻟﻴﻮﻡ ﺣﺘﻰ ﺍﺑﻴﻨﻠﻜﻢ ﺍﻧﻪ ﻣﻮﻛﻠﺸﻲ ﻧﺮﻳﺪﺓ ﻻﺯﻡ ﻧﺎﺧﺬﺓ ﻣﻦ ﺍﻟﺪﻧﻴﺎ ﻣﺮﺍﺕ ﺭﺏ ﺍﻟﻌﺎﻟﻤﻴﻦ ﻳﻮﺩﻳﻨﺔ ﺑﻄﺮﻳﻖ ﺍﺻﻼ ﻣﻤﻔﻜﺮﻳﻦ ﺑﻴﻮﻡ ﺭﺍﺡ ﻧﺴﻠﻜﺔ ﺑﺲ ﺑﺎﻻﺧﻴﺮ ﻳﺒﻘﻰ ﻫﻮ ﺍﻻﻓﻀﻞ ﺍﻟﻨﺎ ﻭﺍﻻﺻﻠﺢ ﻻﻥ ﻓﻘﻂ ﺭﺏ ﺍﻟﻌﺎﻟﻤﻴﻦ ﻳﻌﻠﻢ ﺑﺎﻓﻀﻞ ﺷﻲ ﻭﺍﻧﺴﺐ ﺧﻴﺎﺭ ﻟﻜﻦ ﺍﺣﻨﺔ ﺍﻟﺒﺸﺮ ﻧﺴﺘﻌﺠﻞ ﻭﻧﺘﺸﺎﺋﻢ ﺍﻭﻝ ﺷﻲ ﻭﻣﻨﻜﻮﻝ ﺍﻟﺤﻤﺪﻟﻠﻪ ﻭﺍﻟﺨﻴﺮﺓ ﻓﻴﻤﺎ ﺍﺧﺘﺎﺭﻩ ﺍﻟﻠﻪ ﺩﺍﺋﻤﺎ ﻧﺮﻳﺪ ﻛﻠﺸﻲ ﻳﻤﺸﻲ ﺣﺴﺐ ﻣﺨﻄﻄﺎﺗﻨﺎﻭﻧﻨﺴﻰ ﺣﻜﻤﺔ ﺍﻟﻠﻪ ﻭﺭﺳﺎﻟﺘﻨﺎ ﺍﻟﻲ ﺍﻧﺨﻠﻘﻨﺎ ﺣﺘﻰ ﺍﻧﺪﻳﻬﺎﺑﺎﻟﺤﻴﺎﺓﻣﺮﺍﺕ ﻧﺴﻠﻚ ﻃﺮﻕ ﻭﻧﻬﺎﻳﺘﻬﺎ ﻭﺧﺘﺎﻣﻬﺎ ‏( ﻟﻢ ﻳﻜﻦ ﺑﺎﻟﺤﺴﺒﺎﻥ ‏) ﻭﻧﺒﻠﺶ ﻗﺼﺘﻨﺎ ﻭﻧﻌﺮﻓﻜﻢ ﻋﻠﻰ ﺍﻟﺸﺨﺼﻴﺎﺕ ﺑﻄﻠﺔ ﻗﺼﺘﻨﺎ ﺑﻨﻮﺗﺔ ﺣﻠﻮﺓ ﻭﻃﻴﺒﺔ ﻭﺍﻟﺪﻧﻴﺎ ﻓﺮﺗﻬﺎ ﻫﻮﺍﻱ ﺍﺳﻤﻬﺎ ﺩﺭﺓ ﻭﻫﻲ ﻣﻦ ﺻﺪﻙ ﺩﺭﺓ ﻋﺮﻓﻲ ﻋﻦ ﻧﻔﺴﺞ ﺩﺭﺗﻲ ﺍﻟﺴﻼﻡ ﻋﻠﻴﻜﻢ ﺍﻧﻲ ﺍﺳﻤﻲ ﺩﺭﺓ ﻋﻤﺮﻱ ١٧ ﺑﻨﻴﺔ ﺑﺴﻴﻄﺔ ﻭﻃﺒﻌﻲ ﻫﺎﺩﺉ ﻭﺍﺳﻤﻊ ﺍﻟﻜﻼﻡ ﻻﻥ ﺍﻣﻲ ﻣﺎﻣﻌﻠﻤﺘﻨﻲ ﺍﺭﺍﺩﺩ ﻭﺍﻋﺎﻧﺪ ﻋﻠﻤﺘﻨﻲ ﺍﻧﻪ ﺯﻳﻨﺔ ﺍﻟﺒﻨﻴﺔ ﻋﻘﻠﻬﺎ ﻭﻫﺪﻭﺋﻬﺎ ﺷﻜﻠﻲ ﻣﻘﺒﻮﻝ ‏( ﻟﺞ ﺷﻨﻮ ﻣﻘﺒﻮﻝ ﺍﻧﻲ ﺍﻭﺻﻔﻠﻜﻢ ﺷﻜﻠﻬﺎ ﺩﺭﺓ ﺷﻜﻠﻬﺎ ﺟﻤﻴﻴﻴﻞ ﻭﻋﺮﺑﻲ ﺟﺬﺍﺏ ﻣﻦ ﺻﺪﻙ ﻋﻴﻮﻥ ﻛﺒﺎﺭ ﻋﺴﻠﻲ ﻭﺷﻌﺮ ﻋﺴﻠﻲ ﻓﺎﺗﺢ ﻭﺧﺪﻭﺩ ﺟﻨﻬﻦ ﺗﻔﺎﺣﺎﺕ ﻭﺧﺸﻢ ﺩﻗﻴﻖ ﻭﺣﻠﻚ ﻋﻨﻮﻧﻲ ﻭﺟﺴﻤﻬﺎ ﻣﺮﺳﻮﻡ ﺣﻠﻮ ﻭﻣﺮﺗﺐ ﺍﺧﺼﺮ ﻣﻨﺤﻮﺕ ﻭﺗﻔﺎﺻﻴﻞ ﺍﻧﺜﻮﻳﺔ ﻳﻌﻨﻲ ﻣﺒﻴﻦ ﺍﻛﺒﺮ ﻣﻦ ﻋﻤﺮﻫﺎ ﻭﻃﻮﻟﻬﺎ ﺣﻠﻮﻭ . ﻛﻤﻠﻲ ﺗﻌﺒﺖ ﺍﻭﺻﻒ ﺑﻴﺞ ﻳﺤﻠﻮﺓ ﺍﻡ ﺷﻜﻠﻲ ﻣﻘﺒﻮﻝ ﻏﻴﺮ ﺍﻟﺴﻠﻒ ﻛﻠﺔ ﻣﻦ ﺗﻄﻠﻌﻴﻦ ﻳﻄﻠﻊ ﻭﺭﺍﺝ ( ﻫﻬﻬﻪ ﻓﺪﻭﺓ ﻟﻘﻠﺒﺞ ﺍﻟﻤﻬﻢ ﺍﻧﻲ ﻋﺎﻳﺸﺔ ﻭﻳﺔ ﺍﻣﻲ ﻭﺍﺧﻮﻳﺔ ﺣﺎﻣﺪ ﻫﺬﻭﻟﺔ ﺍﻟﻨﻔﺲ ﻭﺍﻟﺪﻱ ﺗﻮﻓﺔ ﻣﻦ ﺟﺎﻥ ﻋﻤﺮﻱ ٦ ﺳﻨﻮﺍﺕ ﻭﻋﻤﺮ ﺣﺎﻣﺪ١٥ ﺳﻨﺔﺍﻣﻲ ﻣﺮﻳﻀﺔ ﺍﺻﻼ ﻣﻦ ﻭﻟﺪﺕ ﺣﺎﻣﺪ ﺗﻤﺮﺿﺖ ﻭﺑﺎﻟﺸﺎﻓﻌﺎﺕ ﻳﻼ ﺻﺮﺕ ﺍﻧﻲ ﻭﺭﺓ ٩ ﺳﻨﻮﺍﺕ ﻭﻭﺭﺍﻫﺎ ﺗﻌﺒﺖ ﺍﺯﻳﺪ ﻭﺍﻟﺪﻛﺘﻮﺭ ﻣﻨﻌﻬﺎ ﻣﻦ ﺍﻟﺨﻠﻔﺔﻧﻬﺎﺋﻲ ﻭﺍﺑﻮﻳﺔ ﺭﺟﺎﻝ ﻋﻠﻰ ﻛﺪ ﺣﺎﻟﺔ ﻭﻃﻴﺐ ﻓﺎﻗﺘﻨﻊ ﻭﻣﺎﻟﺢ ﺑﺠﻬﺎﻝ ﻫﻮﺍﻱ ﻣﺜﻞ ﺑﺎﻗﻲ ﺍﻟﻌﺮﺏ ﻫﻨﺎ ﺍﻧﻲ ﺍﻋﻴﺶ ﺑﻘﺮﻳﺔ ﺑﺎﻃﺮﺍﻑ ﺍﻟﻌﻤﺎﺭﺓ ﻭﻫﻨﺎ ﺍﻻﻋﺘﻤﺎﺩ ﻛﻠﺔ ﻋﻠﺰﺭﺍﻋﺔ ﻭﺍﻟﺪﻱ ﺗﺮﻛﻠﻨﺎ ﻛﺎﻉ ﺻﻐﻴﺮﺓ ﻧﺰﺭﻋﻬﺎ ﻛﻞ ﻣﻮﺳﻢ ﺷﻜﻞ ﺣﺘﻰ ﻧﻤﺸﻲ ﺍﻣﻮﺭﻧﺎ ﻭﻧﻄﻠﻊ ﻗﻮﺕ ﻳﻮﻣﻨﺎ ﺍﺧﻮﻳﺔ ﻭﻣﺮﺗﺔ ﻓﺎﻃﻤﺔ ﺧﻄﻴﺔ ﻣﺒﺘﻠﻴﻦ ﺑﺎﻟﻜﺎﻉ ﻭﻧﻮﺑﺎﺕ ﺍﻃﻠﻊ ﺍﻋﺎﻭﻧﻬﻢ ﺑﺲ ﺍﻻﻏﻠﺐ ﺍﻧﻲ ﺑﺎﻟﺒﻴﺖ ﺍﻃﺒﺦ ﻭﺍﻧﻈﻒ ﻭﺍﺧﺒﺰ ﻭﺍﺩﺍﺭﻱ ﺟﻬﺎﻝ ﺍﺧﻮﻱ ﺍﻻﺭﺑﻌﺔ ‏( ﺍﺩﺭﻱ ﺟﻴﺶ ( ﻭﺍﻋﺘﻨﻲ ﺑﺎﻣﻲ ﺭﻏﻢ ﻋﻤﺮﻱ ﺻﻐﻴﺮ ﺑﺲ ﺍﻋﺮﻑ ﻛﻠﺸﻲ ﻻﻥ ﻣﻦ ﺻﻐﻴﺮﺓ ﺷﻠﺖ ﺍﻟﻤﺴﺆﻭﻟﻴﺔ ﻓﺪﻳﻮﻡ ﻣﺜﻞ ﻛﻞ ﻳﻮﻡ ﻛﻌﺪﻭﺍ ﺍﺧﻮﻳﺔ ﻭﻣﺮﺗﺔ ﻟﻠﻜﺎﻉ ﻣﻦ ﺍﻟﻔﺠﺮ ﻭﺍﻧﻲ ﻛﻌﺪﺕ ﻭﺭﺍﻫﻢ ﻋﺠﻨﺖ ﻭﻋﺰﻟﺖ ﺍﻟﺒﻴﺖ ﻭﻧﻀﻔﺖ ﺑﻴﻦ ﻣﺎﺗﻜﻌﺪ ﺍﻣﻲ ﻭﺍﻟﺠﻬﺎﻝ ﻻﻥ ﺧﻄﻴﺔ ﻋﻼﺟﻬﺎ ﻳﻨﻮﻡ ﺭﺣﺖ ﺧﺒﺰﺕ ﻭﺣﻀﺮﺕ ﺍﻟﺮﻳﻮﻙ ﻭﻛﻌﺪﺗﻬﻢ ﺗﺮﻳﻜﻨﺎ ﻭﺑﺪﻟﺖ ﻟﻮﻟﺪ ﺣﺎﻣﺪ ﺍﻟﻜﺒﺎﺭ ﺭﺍﺣﻮ ﻟﻠﻤﺪﺭﺳﺔﻭﺑﻘﻮﺍ ﻳﻤﻲ ﺍﻟﺼﻐﺎﺭ ﺍﻣﻨﺔ ﻭﻋﺎﻣﺮ ﺭﺿﻌﺖ ﻋﺎﻣﺮﻣﻤﻴﺔ ﻻﻥ ﺑﻌﺪﺓ ﺻﻐﻴﺮ ﻋﻤﺮﺓ ٧ ﺍﺷﻬﺮﻭﺑﺪﻟﺘﻠﺔ ﻭﺑﺪﻟﺖ ﻻﻣﻨﺔ ﺍﺗﺨﺒﻞ ﺍﺫﺍ ﻭﺻﺨﻴﻦ ﻭﺭﺟﻌﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺭﻛﺒﺖ ﺍﻟﻐﺪﺍ ﺗﻤﻦ ﻭﻓﺎﺻﻮﻟﻴﺎ ﻭﻋﺰﻟﺖ ﻟﺒﻴﺖ ﺣﺎﻣﺪ ﺑﺼﻔﺮﻃﺎﺱ ﻳﺠﻲ ﻳﺎﺧﺬﻫﺎ ﺍﻟﻈﻬﺮ ﻟﻮ ﻭﻟﺪﺓ ﻣﻦ ﻳﺤﻠﻮﻥ ﻳﻮﺩﻭﻥ ﺍﻟﻐﺪﺓ ﻻﻥ ﻛﺎﻋﻨﺎ ﻗﺮﻳﺒﺔ ﻛﻤﻠﺖ ﻛﻠﺸﻲ ﻭﺍﺫﻥ ﺍﻟﻈﻬﺮ ﺻﻠﻴﺖ ﻭﺣﻠﺖ ﺍﻟﻤﺪﺍﺭﺱ ﺍﺟﻮ ﺟﻬﺎﻝ ﺣﺎﻣﺪ ﻭﻣﺎ ﻗﺒﻠﻮﺍﻳﻮﺩﻭﻥ ﺍﻟﻐﺪﺍ ﺧﻄﻴﺔ ﻋﻨﺪﻫﻢ ﻭﺍﺟﺒﺎﺕ ﻫﻮﺍﻱ ﻃﺒﻮﺍ ﻣﻦ ﺍﻟﺒﺎﺏ ﻋﻤﺔ ﺩﺭﺓ ﺻﺒﻲ ﺍﻟﻐﺪﺍ ﻭﺩﺭﺳﻴﻨﺔ ﻋﻨﺪﻧﺎ ﻛﻮﻡ ﻭﺍﺟﺐ ﺍﻧﻲ ﺣﺘﻰ ﺗﺪﺭﻳﺴﻬﻢ ﺑﺮﺍﺳﻲ ﻻﻥ ﻣﻜﻤﻠﺔ ﺛﺎﻟﺚ ﻣﺘﻮﺳﻂ ﻭﺑﻄﻠﺖ ﺑﻌﺪﻣﺎﻛﻮ ﺍﻋﺪﺍﺩﻳﺔ ﻗﺮﻳﺒﺔ ﻓﻌﻴﺐ ﺍﺭﻭﺡ ﻣﺸﻲ ﻟﻼﻋﺪﺍﺩﻳﺔ ﺑﺎﻟﻘﺮﻳﺔ ﺍﻟﺒﺼﻔﻨﺔ ﻣﺮ ﺍﻟﻮﻛﺖ ﻭﻗﻠﻘﺖ ﻻﻥ ﺣﺎﻣﺪ ﻣﺎﺍﺟﺔ ﺍﺧﺬ ﻏﺪﺓ ﺣﺎﻭﻟﺖ ﺍﻟﺘﻬﻲ ﻭﺧﻠﺺ ﺍﻟﻮﻛﺖ ﺑﻴﻦ ﺷﻐﻞ ﻭﺟﻬﺎﻝ ﻭﺍﻣﻲ ﻭﺍﻟﻌﺼﺮ ﻛﻠﺶ ﺟﺎﻱ ﺍﺩﺭﺱ ﺟﻬﺎﻝ ﺣﺎﻣﺪ ﻣﺎﺍﺣﺲ ﺍﻻ ﺍﻟﺒﺎﺏ ﻳﻨﺪﻙ ﺑﺨﺒﺎﻝ ﺭﻛﻀﺖ ﻟﺒﺴﺖ ﺷﺎﻟﻲ ﻭﻃﻠﻌﺖ ﻓﺘﺤﺘﻬﺎ ﻓﺎﻃﻤﺔ ﺗﻌﻴﻂ ﻭﺗﺒﺠﻲ ﺻﺤﺖ ﺷﺒﻴﺞ ﻭﻟﺞ ﺷﻜﻮ ﺣﺎﻣﺪ ﺑﻲ ﺷﻲ ﻓﺎﻃﻤﺔ : ﻭﻟﺞ ﺩﺭﺓ ﺻﺨﺎﻡ ﺍﻟﺼﺨﻤﻨﻲ ﺣﺎﻣﺪ ﺭﺍﺡ ﻟﻄﻤﺖ ﻋﻠﻰ ﺻﺪﺭﻱ ﻋﺰﺍ ﺍﺧﻮﻳﺔ ﺷﺒﻲ ﻭﻟﺞ ﺍﺣﺠﻲ ﻣﻮﺗﻴﻨﻲ ﻭﻃﻠﻌﺖ ﺍﻣﻲ ﻋﻠﻰ ﺍﻟﺼﻮﺕ ﻭﺍﻟﻬﻮﺳﺔ ﻟﻠﺤﻮﺵ ﺍﻣﻲ : ﻳﻤﺔ ﻭﻟﻴﺪﻱ ﺩﺧﻴﻠﻚ ﻳﺎﺭﺑﻲ ﺷﻜﻮ ﺷﺒﻲ ﻭﻟﺞ ﺍﺣﺠﻲ ﻳﺎ ﻳﻤﺔ ﺭﺍﺡ ﺍﻧﺠﻠﻂ ﻓﺎﻃﻤﺔ : ﻋﻤﺔ ﺣﺎﻣﺪ ﺗﻌﺎﺭﻙ ﻭﺿﺮﺏ ﻭﺍﺣﺪ ﺑﺎﻟﻤﺴﺤﺎﺓ ﻭﺍﻟﻮﻟﺪ ﻣﺎﺕ ﻭﺍﻟﺘﻤﻮﺍ ﺍﻟﻌﺎﻟﻢ ﻭﺍﺟﻮ ﺍﻟﺸﺮﻃﺔﺍﺧﺬﻭﺍ ﺣﺎﻣﺪ ﺍﻣﻲ ﺭﺃﺳﺎ ﺷﻬﻜﺖ ﻭﺗﺨﺮﺑﻄﺖ ﺍﺧﺬﻧﺎﻫﺎ ﺍﻧﻲ ﻭﻓﺎﻃﻤﺔ ﻛﻮﺓ ﻏﻠﺴﻠﻨﺎﻟﻬﺎﻭﺷﺮﺑﺖ ﻣﻲ ﻭﻛﺎﻟﺖ ﻟﻔﺎﻃﻤﺔ ﺍﻣﻲ : ﻭﻟﺞ ﻳﻤﺔ ﻓﺎﻃﻤﺔ ﺍﺑﻨﻲ ﻣﺎﻳﺄﺫﻱ ﻧﻤﻠﺔ ﺷﻠﻮﻥ ﻳﻜﺘﻞ ﻛﻠﻴﻠﻲ ﻓﺎﻃﻤﺔ : ﻋﻤﺔﻃﻠﻌﻨﺎ ﻟﻠﻜﺎﻉ ﺍﻟﺼﺒﺢ ﻟﻜﻴﻨﺔ ﺍﻟﻤﻲ ﻛﺎﻃﻌﻲ ﻣﻦ ﻛﺎﻋﻨﺎ ﻭﻣﺤﻮﻟﻲ ﻛﻠﺔ ﻟﻠﻜﺎﻉ ﺍﻟﺒﺼﻔﻨﺔ ﺣﺎﻣﺪ ﺗﺨﺒﻞ ﻭﺳﺄﻝ ﺍﻟﻤﻦ ﻫﺎﻟﻜﺎﻉ ﻛﺎﻟﻮﻟﺔ ﺍﺷﺘﺮﺍﻫﺎ ﺷﻴﺦ ﻋﺸﻴﺮﺓ ﺍﻟﻘﺮﻳﺔ ﺍﻟﺒﺼﻔﻨﺔ ﻭﻗﺴﻤﻬﺎ ﻟﻮﻟﺪﺓ ﻛﻠﻤﻦ ﺩﻭﻧﻢ ﻭﻧﺺ ﻭﻫﻮ ﻋﻨﺪﺓ ٦ ﻭﻟﺪ ﻭﻣﻦ ﻭﺍﺣﺪ ﻟﻮﺍﺣﺪ ﻛﻀﻴﻨﺎ ﺍﻟﻨﻬﺎﺭ ﻧﺴﺄﻝ ﺗﺎﻟﻲ ﻋﺮﻓﻨﺎ ﺍﻟﻜﺎﻉ ﻟﻮﺍﺣﺪ ﻣﻦ ﻭﻟﺪ ﺍﻟﺸﻴﺦ ﺍﺳﻤﺔ ﻋﺎﻣﺮ ﻭﺻﻠﺔ ﺣﺎﻣﺪ ﺧﺒﺮ ﺧﻞ ﻳﺤﺘﺮﻡ ﺍﻟﺠﺎﺭ ﻣﺎﻳﺼﻴﺮ ﻳﺎﺧﺬ ﺍﻟﻤﻲ ﻛﻠﺔ ﺍﻟﺔﻭﺍﺣﻨﺔ ﻋﻠﻰ ﺍﻟﻠﻪ ﻭﻫﺎﻟﺰﺭﻉ ﻭﻛﻤﻠﻨﺎ ﻧﺰﺭﻉ ﻭﺣﻮﻟﻨﺎ ﺍﻟﻤﻲ ﻟﻜﺎﻋﻨﺎ ﺳﺎﻋﺔ ﻳﻤﻜﻦ ﻭﺍﺟﺖ ﺳﻴﺎﺭﺓﻋﺎﻟﻴﺔ ﺷﺨﻄﺖ ﻭﻋﺒﺮﺕ ﻋﺎﻟﺰﺭﻉ ﻣﺎﻟﺘﻨﺎ ﻣﺮﺩﺕ ﻧﺼﺔ ﺣﺎﻣﺪ ﺳﻮﺩﺓ ﻋﻠﻲ ﻓﻘﺪ ﺑﺲ ﻟﺰﻡ ﺭﻭﺣﺔ ﻧﺰﻝ ﻫﺎﻟﻌﺎﻣﺮ ﺍﻻﻛﺸﺮ ﻭﻟﺪ ﺿﻌﻴﻒ ﻭﻃﻮﻳﻞ ﻭﺟﻬﺔ ﻳﻨﻜﻂ ﺳﻢ ﻭﺣﺠﺔ ﺑﺘﻜﺒﺮ ﻋﺎﻣﺮ : ﺍﻧﺖ ﻳﺎﻫﻮ ﺣﺘﻰ ﺗﺤﻂ ﺭﺍﺳﻚ ﺑﺮﺍﺳﻲ ﺍﻧﻲ ﺍﺑﻦ ﺍﻟﺸﻴﺦ ﻳﺎﺳﻴﻦ ﺣﺎﻣﺪ : ﻛﻠﻨﺎ ﻭﻻﺩ ﺗﺴﻌﺔ ﻭﺣﻚ ﺍﻟﻠﻪ ﻣﺎﺑﻲ ﺍﺑﻦ ﺷﻴﺦ ﻭﺍﺑﻦ ﻓﻼﺡ ﺍﻟﻤﻲ ﻣﺘﻘﺴﻢ ﻋﺎﻟﻜﻴﻌﺎﻥ ﺑﺎﻟﺤﻖ ﻟﻴﺶ ﺗﺘﻌﺪﻯ ﻋﻠﻰ ﺣﻖ ﻏﻴﺮﻙ ﻭﻛﺎﻋﻚ ﻣﻴﻬﺎ ﻳﻜﻔﻴﻬﺎ ﻋﺎﻣﺮ : ﻭﺍﻧﻲ ﺑﻜﻴﻔﻲ ﺍﺭﻳﺪ ﺍﺧﺬ ﺍﺭﺟﻊ ﺍﻏﺮﻛﻬﺎ ﺍﻧﺸﻔﻬﺎ ﻣﺤﺪ ﻳﻮﻛﻒ ﺑﻮﺟﻬﻲ ﻭﻟﻴﻮﻛﻒ ﺍﺩﻭﺳﺔ ﺣﺎﻣﺪ ﺑﻐﻀﺐ : ﻫﻲ ﺍﻧﺖ ﺷﺸﺎﻳﻒ ﺭﻭﺣﻚ ﺗﺮﺓ ﺗﺤﻤﻠﺖ ﻭﺳﻜﺘﺖ ﻻﻥ ﻋﺮﻓﺖ ﺍﺑﻮﻙ ﺭﺟﺎﻝ ﺧﻴﺮ ﻭﺗﻌﺒﺎﻥ ﻭﻣﺮﻳﺾ ﻭﻣﺎﻟﺔ ﺧﻠﻚ ﻣﺸﺎﻛﻞ ﻭﺍﻻ ﻣﺎﺍﺳﻜﺖ ﻋﻠﻰ ﻫﺎﻟﺘﺠﺎﻭﺯ ﻓﻼ ﺗﺰﻳﺪ ﺑﺎﻟﺤﺠﻲ ﻻ ﺗﻨﺪﻡ ﻋﺎﻣﺮ ﺑﺼﻴﺎﺡ : ﻣﻨﻮ ﻳﻨﺪﻣﻨﻲ ﺍﻧﺖ ؟ﺩﺳﻜﺖ ﻻ ﺍﻟﺒﺴﻚ ﻋﺒﺎﺓ ﻣﺮﺗﻚ ﻭﺍﺭﺟﻌﻚ ﺑﻴﻬﺎ ﻟﺒﻴﺘﻚ ﺗﺮﺓ ﺣﺘﻰ ﻛﺎﻋﻚ ﻟﻮﺍﺣﻄﻬﺎ ﺑﺒﺎﻟﻲ ﻏﺼﺒﻦ ﻋﻨﻚ ﺍﺧﺬﻫﺎ ﻻﻥ ﻫﻲ ﺻﺎﻳﺮﺓ ﺑﻨﺺ ﻛﻴﻌﺎﻧﺔ ﻓﺎﺷﻠﻌﻬﺎ ﻣﻦ ﻋﻴﻮﻧﻚ ﺣﺎﻣﺪ ﻓﻘﺪ ﻭﺩﻓﻌﺔ ﻟﻠﻮﻟﺪ ﻭﺯﻟﻜﺖ ﺭﺟﻠﺔ ﻭﻃﺎﺡ ﺑﺎﻟﻜﺎﻉ ﺍﻟﻮﻟﺪ ﺷﺎﻝ ﻃﻴﻦ ﻣﻦ ﺍﻟﻜﺎﻉ ﻭﺷﻤﺮﺓ ﻋﻠﻰ ﻭﺟﻪ ﺣﺎﻣﺪ ﻛﺪﺍﻡ ﺍﻟﻌﺎﻟﻢ ﺍﻟﻲ ﺍﻟﺘﻤﺖ ﻋﺎﻟﺼﻴﺎﺡ ﻭﻃﻠﻊ ﻣﺴﺪﺳﺔ ﻭﺭﺍﺩ ﻳﺮﻣﻲ ﺣﺎﻣﺪ ﺣﺎﻣﺪ ﻫﻨﺎ ﺷﺎﻝ ﺍﻟﻤﺴﺤﺎﺓ ﺍﻟﺒﻴﺪﺓ ﻭﻫﺒﺪ ﺍﻟﻮﻟﺪ ﻭﺻﺎﺭﺕ ﺍﻟﻀﺮﺑﺔ ﺑﺮﺍﺳﺔ ﻭﻛﺎﻡ ﻳﻨﺰﻑ ﺍﺧﺬﻭﺍ ﺍﻟﻌﺎﻟﻢ ﻭﺍﺟﺖ ﺍﻟﺸﺮﻃﺔ ﺍﺧﺬﺕ ﺣﺎﻣﺪ ﻭﺑﻠﻐﻮﻩ ﺍﻧﻪ ﺍﻟﻮﻟﺪ ﺑﺎﻟﻄﺮﻳﻖ ﺗﻮﻓﺔ ﻻﻥ ﺍﻟﻀﺮﺑﺔ ﻗﻮﻳﺔ ﺣﺎﻣﺪ ﻟﻠﻀﺎﺑﻂ : ﺳﻴﺪﻱ ﻫﻮ ﻫﺬﺍ ﺍﻟﺼﺎﺭ ﻭﺍﻟﻠﻪ ﻭﺍﻟﻨﺎﺱ ﺗﺸﻬﺪ ﺍﻟﻀﺎﺑﻂ : ﻫﺎﻱ ﺍﻟﺤﺎﻟﺔ ﺗﻌﺘﺒﺮ ﺩﻓﺎﻉ ﻋﻦ ﺍﻟﻨﻔﺲ ﻭﺍﻟﻘﻀﺎﺀ ﻣﺎﺍﻟﺔ ﺣﻜﻢ ﻋﻠﻴﻚ ﺑﺲ ﺍﻧﺖ ﺍﻋﺮﻑ ﺑﺎﻟﻌﺎﺩﺍﺕ ﻫﻨﺎ ﻭﻫﻮ ﺍﺑﻦ ﺷﻴﺦ ﺧﺎﻳﻒ ﻋﻠﻴﻚ ﻳﺎﺍﺑﻨﻲ ﻣﻦ ﺍﻫﻠﺔ ﺣﺎﻣﺪ : ﺳﻴﺪﻱ ﻣﺴﺘﻌﺪ ﺍﻣﻮﺕ ﺍﻭﺍﻧﺤﺒﺲ ﺑﺲ ﺍﻫﻠﻲ ﺳﺎﻟﻤﻴﻦ ﺍﻟﻀﺎﺑﻂ : ﻳﺎﺷﺮﻃﻲ ﺩﺧﻞ ﺍﻟﺸﻬﻮﺩ ﺩﺭﺓ : ﻛﺎﻋﺪﻳﻦ ﻭﺍﻣﻲ ﺗﻠﻄﻢ ﻭﺗﻨﻮﺡ ﻳﻤﺔ ﻭﻟﻴﺪﻱ ﺳﻨﺪﻱ ﺑﻬﺎﻟﺪﻧﻴﺎ ﺭﺍﺡ ﺑﺸﺮﺑﺔ ﻣﻲ ﺭﺑﻲ ﻣﺎﻟﻲ ﻏﻴﺮ ﻫﺎﻟﺜﻨﻴﻦ ﻻﺗﺤﺮﻣﻨﻲ ﻣﻨﻬﻢ ﻭﻓﺎﻃﻤﺔ ﻳﻤﻬﺎ ﺗﺒﺠﻲ ﻭﺗﺪﻋﻲ ﺍﻟﻠﻪ ﻟﺨﺎﻃﺮ ﺟﻬﺎﻟﻬﺎ ﺍﻟﻲ ﻛﺴﺮﻭﺍ ﺑﺎﺏ ﻗﻠﺒﻲ ﺳﻮﺩﺓ ﻋﻠﻴﺔ ﺑﺲ ﻳﺒﺠﻮﻥ ﺧﺎﻳﻔﻴﻦ ﻭﺍﻧﻲ ﻣﺎﺍﻋﺮﻑ ﺍﺳﻜﺖ ﺍﻣﻲ ﻟﻮ ﻓﺎﻃﻤﺔ ﻟﻮ ﺍﻟﺠﻬﺎﻝ ﻟﻮ ﺭﻭﺣﻲ ﺩﺧﻴﻠﻚ ﻳﺎﺭﺏ ﻛﻠﺸﻲ ﻭﻻﺍﻫﻠﻲ ﻣﺎﻟﻲ ﻏﻴﺮﻫﻢ ﺍﻟﺘﻤﻮﺍ ﻋﻤﺎﻣﻲ ﺛﻨﻴﻦ ﻫﻢ ﻭﻭﻟﺪﻫﻢ ﻭﻫﻢ ﻫﻢ ﻓﻘﺮﺓ ﻣﻦ ﺍﻫﻞ ﺍﻟﻠﻪ ﻭﺍﻟﺘﻤﺖ ﺯﻟﻢ ﻣﻦ ﺍﻟﻌﺸﻴﺮﺓ ﻭﻋﺸﻴﺮﺓ ﻃﺒﺎﺑﺔ ﺧﻴﺮﻭﺭﺍﺣﻮﺍ ﻻﻫﻞ ﺍﻟﻮﻟﺪ ﻭﺍﺧﺬﻭﺍ ﻋﻄﻮﺓ ﻳﻮﻣﻴﻦ ﻟﺤﺪ ﻣﺎﺗﺨﻠﺺ ﺍﻟﻔﺎﺗﺤﺔ ﺭﺟﻊ ﻋﻤﻲ ﻭﻛﺎﻝ ﻻﻣﻲ ﻣﺎﺩﺍﻡ ﻧﺼﺒﻮﺍ ﻓﺎﺗﺤﺔ ﻣﻌﻨﺎﻫﺎ ﻣﺎﻧﺎﻭﻳﻦ ﺩﻡ ﻭﺍﺑﻮﻫﻢ ﺭﺟﺎﻝ ﺧﻴﺮ ﻭﻣﻦ ﺍﻫﻞ ﺍﻟﻠﻪ ﻭﻣﺼﻠﻲ ﻭﺻﺎﻳﻢ ﻭﻣﺒﻴﻦ ﻣﻘﺘﻨﻊ ﺍﻧﻪ ﺍﻟﻐﻠﻂ ﺑﺎﺑﻨﺔ ﺑﻠﻜﺖ ﻳﻠﻴﻦ ﻭﻳﺮﺿﺔ ﺑﻔﺼﻞ ﺍﻣﻲ : ﻳﺎﺭﺏ ﺩﺧﻴﻠﻚ ﺍﺣﻤﻲ ﻭﻟﻴﺪﻱ ﻫﺬﻧﻲ ﻓﻠﻮﺱ ﺍﺟﻤﻌﻬﻦ ﺑﻠﻜﺖ ﺍﺣﺞ ﺍﺧﺬﻭﻫﻦ ﻟﻠﻔﺼﻞ ﺑﻠﻜﺖ ﺗﻨﺤﻞ ﻳﺎﺭﺏ ﻣﺮﻥ ﺍﻟﻴﻮﻣﻴﻦ ﻋﻠﻰ ﺍﻋﺼﺎﺑﻨﺎ ﻭﺛﺎﻟﺚ ﻳﻮﻡ ﺍﻟﺸﺮﻃﺔ ﻃﻠﻌﺖ ﺣﺎﻣﺪ ﻻﻥ ﺍﻋﺘﺒﺮﻭﻩ ﺑﺸﻬﺎﺩﺓ ﺍﻟﺸﻬﻮﺩ ﺩﻓﺎﻉ ﻋﺎﻟﻨﻔﺲ ﺳﻮﺩﺓ ﻋﻠﻲ ﻃﻠﻊ ﻣﻦ ﺍﻟﺴﺠﻦ ﻛﺒﺮﺍﻥ ٥ ﺳﻨﻴﻦ ﻛﺪﺍﻡ ﻭﺗﻌﺒﺎﻥ ﻭﺑﻮﺟﻬﺔ ﺍﺟﺔ ﺑﻮﺳﻨﺎ ﻭﺳﻠﻢ ﺍﻛﻞ ﻭﺳﺒﺢ ﻭﻟﻠﻔﺼﻞ ﺍﺗﻮﺳﻠﻮﺍ ﺑﻲ ﻋﻤﺎﻣﻲ ﻳﻈﻞ ﺑﺎﻟﺒﻴﺖ ﺣﺎﻣﺪ : ﺟﺎ ﺷﻨﻬﻲ ﺍﻧﺔ ﺣﺮﻣﺔ ﻭﺍﺧﺘﻞ ﺍﺭﻭﺣﻠﻬﻢ ﻭﻣﺎﺧﺎﻳﻒ ﻣﻦ ﺍﻛﺒﺮ ﻭﺍﺣﺪ ﺍﻧﺔ ﻋﻠﻰ ﺣﻖ ﻭﺩﺍﻓﻌﺖ ﻋﻦ ﺍﺭﺿﻲ ﻭﻟﻮ ﺍﻣﻮﺕ ﻣﻴﺨﺎﻟﻒ ﻭﻻﺍﻧﺬﻝ ﻟﻮ ﺍﺣﺪ ﻳﺎﺫﻱ ﺍﻫﻠﻲ ﺭﺍﺣﻮ ﻟﻠﻔﺼﻞ ﻭﺍﻧﻲ ﻛﻠﺒﻲ ﻣﻌﺼﻮﺭ ﻭﺧﺎﻳﻔﺔ ﻻ ﻳﺮﺟﻊ ﺍﻟﻨﺎ ﺍﺧﻮﻳﺔ ﻭﺿﻮﺓ ﻋﻴﻨﻲ ﺑﺘﺎﺑﻮﺕ ﻭﺿﻠﻴﻨﺎ ﻧﺘﻜﻠﺔ ﻋﻠﻰ ﻧﺎﺭ ﻟﺤﺪﻣﺎ ﺍﻧﺪﻛﺖ ﺍﻟﺒﺎﺏ ﻭﺭﻛﻀﻨﺎ ......