لم يكن بالحسبان

ﺍﻟﺒﺎﺭﺕ ﺍﻟﺮﺍﺑﻊ

ﺍﻟﺒﺎﺭﺕ ﺍﻟﺮﺍﺑﻊ

ﻓﻴّﺪ ﻋﺒﺪﺍﻟﻠﻪ

ﺣﺎﻣﺪ ﺑﺎﻋﺼﺎﺏ : ﻃﺰ ﺑﻴﺔ ﻻﺣﺪ ﻳﻐﺼﺒﻬﺎ ﻟﻮ ﺍﺩﺭﻱ ﺍﻣﻮﺕ ﻭﻣﺎﺍﻏﺼﺒﻬﺎ ﻋﻠﻰ ﺷﻲ ﺍﻧﻲ ﺳﻜﺘﺖ ﻫﻨﺎﻙ ﺑﺲ ﻣﺎﺟﺎﻱ ﺍﺑﻠﻌﻬﺎ ﺍﺑﺪ ﺧﻞ ﻳﺎﺧﺬﻭﻥ ﺛﺎﺭﻫﻢ ﻭﺍﻟﻠﻪ ﻣﻮﺟﻮﺩ ﻣﻴﻨﺴﺔ ﻋﺒﺎﺩﺓ

ﻃﻔﺮﺕ ﻋﻠﻰ ﺍﺧﻮﻳﺔ ﻭﺣﻀﻨﺘﺔ ﻭﺍﺑﺠﻲ ﺍﺳﻢ ﺍﻟﻠﻪ ﻳﺨﻮﻳﺔ ﻭﺍﺑﻮﻳﺔ ﺍﻧﺖ ﻳﻮﻣﻲ ﻛﺒﻞ ﻳﻮﻣﻚ ﻟﻮ ﺗﺮﻳﺪ ﺭﻭﺣﻲ ﺍﻧﻄﻴﻬﺎ ﺍﻟﻚ ﻣﻮﺑﺲ ﺍﺭﻭﺡ ﻓﺼﻠﻴﺔ ﺍﻧﻲ ﻟﻮ ﺭﺣﺖ ﺗﺪﺭﻭﻧﻲ ﻋﺎﻳﺸﺔ ﻭﻳﺠﻮﺯ ﻧﺘﻼﻛﺔ ﺑﻴﻮﻡ ﺑﺲ ﺍﻧﺖ ﻳﺎﺧﻮﻳﺔ ﻟﻮ ﺭﺣﺖ ﻣﻦ ﺍﻟﻨﺎ ﻋﻜﺒﻚ ﻭﺟﻬﺎﻟﻚ ﺻﻐﺎﺭ ﻫﺎﻱ ﻫﻴﺔ ﻋﻤﻲ ﺭﺩﻟﻬﻢ ﺧﺒﺮ ﺑﺎﺟﺮ ﺧﻞ ﻳﺠﻮﻥ

ﺣﺎﻣﺪ ﻭﻫﻮ ﻳﻤﺴﺢ ﺩﻣﻌﺔ ﻃﻔﺮﺕ ﻣﻦ ﻋﻴﻨﺔ ﻏﺼﺐ ﻳﺎﻳﺎﺑﺔ ﻣﺎﺣﺎﻓﻀﺖ ﻋﻠﻰ ﺍﻻﻣﺎﻧﺔ ﺍﻟﻮﺻﻴﺘﻨﻲ ﺑﻴﻬﺎ ﺍﻻﻣﺎﻧﺔ ﺭﺍﺡ ﺗﺮﻭﺡ ﻓﺼﻠﻴﺔ ﻭﺍﻟﺬﻧﺐ ﺫﻧﺒﻲ

ﺍﻟﻌﻢ : ﻻﺗﻜﻮﻝ ﻫﻴﺞ ﺣﺎﻣﺪ ﺍﺑﻨﻲ ﺍﻧﺖ ﺻﻨﺖ ﺍﻻﻣﺎﻧﺔ ﻭﺭﺑﻴﺖ ﻭﻧﻌﻢ ﺍﻟﺘﺮﺑﻴﺔ ﻟﻮﻣﺎ ﺍﺩﻳﺖ ﺍﻻﻣﺎﻧﺔ ﺑﺎﺣﺴﻦ ﺻﻮﺭﺓ ﻣﺎﺟﺎﻥ ﻫﺬﺍ ﺭﺩ ﺍﺧﺘﻚ ﻭﺑﻌﺪﻳﻦ ﺗﺮﺓ ﺳﺎﻫﺮ ﺧﻮﺵ ﺯﻟﻤﺔ ﻭﺧﺎﻳﻒ ﺍﻟﻠﻪ ﻣﻮ ﻣﺮﻋﺒﻞ ﻣﺜﻞ ﺫﻭﻻﻙ ﻳﺠﻮﺯ ﺍﻟﻠﻪ ﻛﺎﺗﺒﻠﻬﺎ ﻟﺮﺍﺣﺔ ﻭﻳﺎﻫﻢ ﻭﺑﻌﺪﻳﻦ ﺍﺑﻨﺔ ﻫﺎﻟﻴﺘﻴﻢ ﻫﻢ ﺍﻟﻬﺎ ﺑﻲ ﺍﺟﺮ ﺗﺮﺑﻲ ﻭﺗﻜﺴﺐ ﺛﻮﺍﺏ

ﺩﺭﺓ : ﻣﻦ ﺳﻤﻌﺖ ﻋﻨﺪﺓ ﻃﻔﻞ ﻭﻳﺘﻴﻢ ﻭﺻﻐﻴﺮ ﺧﺎﻑ ﺟﻨﺖ ﻣﺼﺮﺓ ﻗﺎﻁ ﻟﺨﺎﻃﺮ ﺣﺎﻣﺪ ﻫﺴﺔ ﻣﺼﺮﺓ ﻗﺎﻃﻴﻦ ﻋﻠﻤﻮﺩ ﻫﺎﻟﻴﺘﻴﻢ ﻻﻥ ﻣﻴﻌﺮﻑ ﺍﻟﻴﺘﻢ ﺑﺲ ﺍﻟﻀﺎﻳﻜﺔ ﻭﺍﻧﻲ ﻓﻘﺪﺕ ﺍﺑﻮﻳﺔ ﻭﻋﻮﺿﻨﻲ ﺍﺧﻮﻳﺔ ﻭﺍﻣﻲ ﻭﻟﺤﺪ ﺍﻻﻥ ﻏﺼﺔ ﺑﻜﻠﺒﻲ ﺷﺤﺎﻝ ﻫﺎﻟﻄﻔﻞ ﺑﻼ ﺍﻡ

ﺳﺎﻫﺮ ﺭﺟﻊ ﻟﻠﺒﻴﺖ ﺍﻋﺼﺎﺏ ﻧﺎﺭ ﻭﺯﻋﻼﻥ ﻣﻦ ﺍﺑﻮﻩ ﻻﻥ ﻫﻮ ﻛﺎﻳﻞ ﻻﺑﻮﻩ ﻋﻠﻰ ﺭﻏﺒﺘﺔ ﻭﺍﺑﻮﻩ ﺣﺮﺟﺔ ﻛﺪﺍﻡ ﺍﻟﻌﺎﻟﻢ ﻛﺎﻡ ﻳﻜﺴﺮ ﺑﻐﺮﺍﺽ ﺍﻟﻤﻄﺒﺦ ﻭﻳﺼﻴﺢ : ﺍﻧﻲ ﺍﺧﻠﺺ ﻣﻦ ﻋﻠﺔ ﺗﺠﻴﻨﻲ ﺍﻟﺦ ﻣﻮ ﻛﺘﻠﻜﻢ ﻣﺎﺍﺭﻳﺪ ﺍﺗﺰﻭﺝ ﺑﻌﺪ ﻃﻠﻌﺖ ﺍﻧﻜﺲ ﻣﻦ ﺫﻳﺞ ﺍﺿﻞ ﻃﻮﻝ ﻋﻤﺮﻱ ﺍﻋﺎﻧﻲ

ﺍﻡ ﺳﺎﻫﺮ : ﺷﺠﺎﻙ ﺗﺨﺒﻠﺖ ﻫﺎﻱ ﺳﻨﺔ ﺍﻟﺤﻴﺎﺓ ﻣﺎﺗﺮﻳﺪ ﺑﻌﺪ ﺟﻬﺎﻝ ﻣﺎﺗﺮﻳﺪ ﻳﺪﻓﺔ ﻓﺮﺍﺷﻚ ﻣﺎﺗﺮﻳﺪ ﺍﺣﺪ ﻳﺸﻴﻠﻚ ﻟﻮﻣﺘﺖ ﺍﻧﻲ ﻳﺎﻳﻤﺔ ﻣﺎﺩﺍﻳﻤﺘﻠﻚ‏( ﺳﺎﻫﺮ : ﺍﺳﻢ ﺍﻟﻠﻪ ﻋﻠﻴﺞ ﻳﻤﺔ ﻳﻮﻣﻲ ﻛﺒﻠﺞ ‏) ﻭﺑﻌﺪﻳﻦ ﻳﺠﻮﺯ ﺍﻟﻠﻪ ﺩﺯﻫﺎ ﺍﻟﻚ ﻫﺪﻳﺔ ﺗﻌﻮﺿﻚ ﻳﺠﻮﺯ ﺍﺩﻣﻴﺔ ﻭﺑﻨﺖ ﻧﺎﺱ

ﺳﺎﻫﺮ : ﺑﺲ ﺗﺒﻘﻰ ﺍﺧﺖ ﻛﺘﺎﻝ ﺍﺧﻮﻱ ﺷﻠﻮﻥ ﺍﺟﺮﻋﻬﺎ ﻫﺎﻱ

ﺍﻡ ﺳﺎﻫﺮ : ﻳﻤﺔ ﺍﻧﺖ ﺗﺪﺭﻱ ﺍﺧﻮﻙ ﺑﺎﻃﻞ ﺟﺎﻥ ﻭﻟﻮﻣﺎ ﺍﻟﻌﻴﺒﺔ ﻭﺍﻧﺘﻮ ﺷﻴﻮﺥ ﺟﺎﻥ ﺍﻧﻄﻢ ﺍﻟﻤﻮﺿﻮﻉ ﺑﻜﺎﻋﺔ ﻻﻥ ﻣﺎﻟﻜﻢ ﺣﻖ ﺗﺤﺠﻮﻥ ﺍﻟﻮﻟﺪ ﺩﺍﻓﻊ ﻋﻦ ﻛﺎﻋﺔ ﺑﺲ ﻫﻮ ﻣﺎﻟﺔ ﻇﻬﺮ ﻓﺘﺮﺩﻭﻥ ﺗﺪﻭﺳﻮﻩ

ﺳﺎﻫﺮ : ﺍﻓﺔ ﻳﻤﺔ ﻣﺎﺭﺑﻴﺘﻴﻨﻲ ﺍﺿﻠﻢ ﻟﻌﺪ ﺷﻠﻮﻥ ﺗﺮﺩﻳﻨﻲ ﺍﺿﻠﻢ ﺑﺨﺖ ﻫﺎﻟﺒﻨﻴﺔ ﻭﺍﺗﺰﻭﺟﻬﺎ ﻏﺼﺐ

ﺍﻡ ﺳﺎﻫﺮ : ﻳﻤﺔ ﻫﻮ ﺍﻟﻀﻠﻢ ﻣﻮﺟﻮﺩ ﺑﻬﺎﻟﻘﻀﻴﺔ ﻣﺎﺩﺍﻣﻨﺔ ﻧﺨﺎﻑ ﻣﻦ ﺣﺠﻲ ﺍﻟﻨﺎﺱ ﻭﺍﻟﺤﻞ ﺍﻣﺎ ﺩﻡ ﻭﻫﺎﻱ ﺍﻣﺮ ﻻﻥ ﻛﺘﻞ ﻧﻔﺲ ﺑﺪﻭﻥ ﺣﻖ ﻟﻮ ﻣﺮﺓ ﺗﻌﻮﺽ ﻭﺗﺨﻠﻒ ﺑﺪﻝ ﺍﻟﺮﺍﺡ ﻭﺍﺑﻮﻙ ﻟﻮﻣﺎ ﻳﺪﺭﻳﻚ ﻋﺎﺩﻝ ﻭﺗﺨﺎﻑ ﺭﺑﻚ ﺟﺎﻥ ﺿﻠﻤﻬﺎ ﻭﺧﻠﻬﺎ ﻟﻮﺍﺣﺪ ﻣﻦ ﻭﻟﺪ ﺳﻌﺪﻳﺔ ﻭﺧﻠﺔ ﺳﻌﺪﻳﺔ ﺗﻤﺤﻴﻬﺎ ﻭﺗﻀﻠﻤﻬﺎ ﺻﺪﻙ ﻭﺍﻧﺖ ﺧﻮﺵ ﺯﻟﻤﻮ ﻭﺍﻟﻠﻪ ﻳﺠﻮﺯ ﻳﻌﻮﺿﻚ ﻭﻳﺎﻫﺎ ﺑﺮﺍﺣﺔ ﻭﺧﻠﻔﺔ ﺗﺸﻴﻞ ﺍﺳﻤﻚ ﻭﺗﺸﻴﻠﻚ ﻭﺗﺼﻴﺮ ﻋﺰﻭﺓ ﺍﻟﻚ ﻭﻟﺨﻮﻫﻢ

ﺳﺎﻫﺮ ﺑﻌﺼﺒﻴﺔ : ﻳﻤﺔ ﺷﺘﺨﻠﻒ ﻏﺼﺒﺘﻮﻧﻲ ﺍﺧﺬﻫﺎ ﻻﺗﻐﺼﺒﻮﻧﻲ ﺍﻧﻮﺏ ﺍﻋﺘﺒﺮﻫﺎ ﻣﺮﺗﻲ ﻭﺍﺗﻘﺮﺑﻠﻬﺎ ﻭﺍﺧﻠﻒ ﻣﻨﻬﺎ ﺍﻧﻲ ﺍﻧﻜﺴﺮ ﺧﺎﻃﺮﻱ ﻭﻟﻌﺒﺖ ﺭﻭﺣﻲ ﻣﻦ ﻛﻞ ﺍﻟﻨﺴﻮﺍﻥ ‏( ﺍﻭﻭﻭﻑ ﺷﻤﺴﻮﻳﺔ ﺑﻲ ﻣﻴﺴﻮﻥ ﻟﻌﺪ ﻭﻣﺨﻠﻴﺘﺔ ﻛﺎﺭﻫﺔ ﺍﻟﻨﺴﻮﺍﻥ ﻭﻛﺎﺵ ﻣﻨﻬﻦ ﺍﻟﻠﻪ ﻳﺴﺎﻋﺪﺓ ﺍﻟﺒﻜﻠﺒﺔ ﻫﻮﺍﻱ ﺑﺲ ﺑﻌﺪ ﺭﺍﺣﺖ ﻟﺪﺍﺭ ﺣﻘﻬﺎ ﻣﻴﻜﺪﺭ ﻳﺤﺠﻲ ‏)

ﺍﻡ ﺳﺎﻫﺮ : ﻳﻤﺔ ﺍﻧﻲ ﻣﺎﺍﺟﺒﺮﻙ ﺗﺤﺒﻬﺎ ﺍﻟﺤﺐ ﺑﺎﻟﻌﺸﺮﺓ ﻭﺍﻟﻮﻛﺖ ﻳﺠﻲ ﺑﺲ ﺍﻃﻠﺐ ﻣﻨﻚ ﻻﺗﺄﺫﻳﻬﺎ ﻭﻻﺗﻀﻠﻤﻬﺎ ﻭﺗﺼﻴﺮ ﺍﻧﺖ ﻭﺍﻟﻮﻛﺖ ﻋﻠﻴﻬﺎ ﻭﺗﺨﻴﺐ ﻇﻨﻲ ﻭ ﻇﻦ ﺍﺑﻮﻙ ﺗﺒﻘﻰ ﺣﺮﻣﺔ ﻭﻣﻜﺴﻮﺭﺓ

ﺳﺎﻫﺮ : ﺍﻟﻠﻪ ﻛﺮﻳﻢ ﻳﻤﺔ ﺍﻟﻠﻪ ﻛﺮﻳﻢ ﻭﺍﻟﻠﻪ ﻣﺤﺪ ﺍﻟﻤﻜﺴﻮﺭ ﻭﺗﻌﺒﺎﻥ ﻏﻴﺮﻱ ﻛﻠﺔ ﻳﺮﺟﻊ ﻋﻠﻰ ﺭﺍﺳﻲ ﺗﻌﺒﺖ،ﺍﺭﻭﺡ ﺍﺟﻴﺐ ﻓﻬﺪ ﻣﻦ ﺧﺎﻟﺪﺓ ﻭﺍﻧﺎﻡ ﻻﻥ ﺗﻌﺒﺖ ﻭﺿﻐﻄﻲ ﻓﻮﻭﻝ

ﺍﻡ ﺳﺎﻫﺮ : ﺍﻟﻠﻪ ﻳﻌﻴﻨﻚ ﻭﻳﺼﺒﺮﻙ ﻳﺎﺑﻌﺪ ﻃﻮﺍﻳﻔﻲ ﺍﺻﺒﺮ ‏( ﺍﻟﻠﻪ ﻣﻊ ﺍﻟﺼﺎﺑﺮﻳﻦ ‏) ﻳﻼ ﺟﻴﺒﺔ ﺑﻴﻦ ﻣﺎﺍﺻﻠﻲ ﺻﻼﺓ ﺍﻟﻤﻐﺮﺏ

ﺩﺭﺓ : ﺑﻘﻴﺖ ﺍﺑﺠﻲ ﺑﻐﺮﻓﺘﻲ ﺑﺤﺮﻛﺔ ﺻﺢ ﺍﻓﺪﻱ ﺍﺧﻮﻳﺔ ﺑﺮﻭﺣﻲ ﻭﺻﺢ ﻫﺎﻟﻴﺘﻴﻢ ﻛﺎﺳﺮ ﻋﻴﻨﻲ ﺑﺲ ﺗﺒﻘﻰ ﻣﻮﻫﺎﻱ ﺍﻟﺰﻭﺍﺟﺔ ﺍﻟﺒﻨﻔﺴﻲ ﺟﺎﻥ ﺑﻨﻔﺴﻲ ﺍﺧﻮﻳﺔ ﻳﺰﻓﻨﻲ ﻟﻮﺍﺣﺪ ﻳﻘﺪﺭﻧﻲ ﻭﻳﺤﺘﺮﻣﻨﻲ ﻭﺍﻟﺒﺲ ﺍﻟﺒﺪﻟﺔ ﺍﻟﺒﻴﻀﺔ ﻭﺍﺣﻀﺮ ﻟﻌﺮﺳﻲ ﺍﺑﻘﻰ ﺑﻨﻴﺔ ﻭﺑﻨﻔﺴﻲ ﻫﺎﻻﺷﻴﺎﺀ ﻟﻴﺶ ﺷﻨﻮ ﻓﺮﻗﻲ ﻋﻦ ﺑﺎﻗﻲ ﺍﻟﺒﻨﺎﺕ ﺍﻧﻮﺑﺔ ﻓﺼﻠﻴﺔ ﻟﻠﺨﺪﻣﺔ ﻭﺍﻟﺨﻠﻔﺔ ﺑﻘﻴﺖ ﺍﺑﺠﻲ ﻟﺤﺪ ﻣﺎﺍﺫﻥ ﺍﻟﻤﻐﺮﺏ ﻃﻠﻌﺖ ﺗﻮﺿﻴﺖ ﻭﺻﻠﻴﺖ ﻭﻧﺎﺟﻴﺖ ﺭﺑﻲ ﻭﻃﻠﺒﺖ ﻣﻨﺔ ﻳﻮﻛﻒ ﻭﻳﺎﻱ ﻻﻥ ﻣﺎﻟﻲ ﻏﻴﺮﺓ ﺳﻨﺪ ﺑﻬﺎﻟﻤﺼﻴﺮ ﺍﻟﻤﺠﻬﻮﻝ

ﺷﻮﻳﺔ ﻭﺍﻧﺪﻙ ﺍﻟﺒﺎﺏ ﻃﺐ ﻋﻤﻲ ﻭﺑﺎﺳﻨﻲ ﺑﺮﺍﺳﻲ ﻭﻛﻠﻲ ﻋﻔﻴﺔ ﺑﺒﻨﻴﺘﻲ ﺭﻓﻌﺘﻲ ﺭﺍﺳﻨﺎ ﺭﺩﻳﺖ ﺧﺒﺮ ﻟﻠﻌﺎﻟﻢ ﻭﺑﺎﺟﺮ ﺍﻟﻌﺼﺮ ﺍﻭﺩﻳﺞ ﺍﻟﻬﻢ ﻭﺭﺟﻊ ﺑﺎﺱ ﻛﺼﺘﻲ ﻭﺣﻀﻨﻲ ﻭﻃﻠﻊ ﺍﻧﻲ ﻫﻨﺎ ﻧﻬﺎﺭﻳﺖ ﺑﺠﻲ ﺑﺤﻀﻦ ﺍﻣﻲ ﻭﺿﻠﻴﺖ ﺍﻧﺎﺷﻎ ﻟﺤﺪﻣﺎﻏﻔﻴﺖ ﻭﺍﻧﻲ ﺧﺎﻳﻔﺔ ﺑﺎﺟﺮ ﺷﻴﺴﻮﻭﻥ ﺑﻴﺔ ﻭﺍﻧﻲ ﻻ ﻭﻛﺤﺔ ﻭﻻﻣﻦ ﺍﻟﻨﻮﻉ ﺍﻟﻲ ﺍﺭﺍﺩﺩ ﻭﺫﻧﻲ ﻧﺴﻮﺍﻥ ﺷﻴﺦ ﺍﻛﻴﺪ ﺷﺎﻳﻔﺎﺕ ﻧﻔﺴﻬﻦ ﺷﺮﺍﺡ ﻳﺴﻮﻭﻥ ﺑﻴﺔ ﻭﻳﻌﻤﻠﻦ ﺑﺲ ﺑﻘﺖ ﻳﻤﻚ ﻳﺎﺭﺑﻲ ﺍﻧﺖ ﻧﺼﻴﺮ ﻣﻦ ﻻﻧﺼﻴﺮ ﻟﻪ

ﻛﻌﺪﺕ ﻋﻠﻰ ﺍﺫﺍﻥ ﺍﻟﻔﺠﺮ ﻛﻤﺖ ﺗﻮﺿﻴﺖ ﻭﺻﻠﻴﺖ ﻭﺿﻠﻴﺖ ﺍﻧﺎﺟﻲ ﺭﺑﻲ ﻭﺍﻃﻠﺐ ﻣﻨﺔ ﻳﺼﺒﺮﻧﻲ ﻭﻳﻘﻮﻳﻨﻲ ﺑﻤﺤﻨﺘﻲ ﻭﺍﻣﻲ ﻛﺎﻋﺪﺓ ﻛﺒﺎﻟﻲ ﻭﺩﻣﻮﻋﻬﺎ ﺍﺭﺑﻌﺔ ﺍﺭﺑﻌﺔ ﺍﻧﻮﺏ ﺧﻔﺖ ﻻﻳﺼﻴﺮ ﺑﻴﻬﺎ ﺷﻲ ﺿﻠﻴﺖ ﻛﺎﺗﻤﺔ ﺩﻣﻮﻋﻲ ﻭﺣﺴﺮﺗﻲ ﺑﻘﻠﺒﻲ ﻭﺍﺣﻮﻝ ﺍﻛﺎﺑﺮ ﻣﺎﺑﻲ ﺷﻲ

ﻟﺸﻮﻳﺔ ﺩﺧﻞ ﺣﺎﻣﺪ ﺑﻮﺳﻨﻲ ﻭﻛﻌﺪ ﺑﺼﻔﻲ ﻭﻛﺎﻟﻲ ﺧﻴﺘﻲ ﺍﻋﺬﺭﻳﻨﻲ ﻗﺒﻞ ﻻﻳﻜﻤﻞ ﺣﻀﻨﺘﺔ ﻭﻛﺘﻠﺔ ﺍﻧﺖ ﺍﺑﻮﻳﺔ ﻭﺍﺧﻮﻳﺔ ﻭﺻﺪﻳﻘﻲ ﻭﻛﻠﺸﻲ ﻭﺍﻓﺪﻳﻚ ﺑﻤﺎﻱ ﻋﻴﻮﻧﻲ ﻭﺍﻧﻲ ﻣﺎﺿﺎﻳﺠﺔ ﺑﺎﻟﻌﻜﺲ ﻣﻦ ﺳﻤﻌﺖ ﺑﺎﺑﻨﺔ ﻛﻠﺖ ﻫﺎﻱ ﺣﻜﻤﺔ ﺍﻟﻠﻪ ﺑﺎﻟﺼﺎﺭ ﻳﺠﻮﺯ ﺧﻼﻧﻲ ﺑﻄﺮﻳﻖ ﻫﺎﻟﻄﻔﻞ ﺣﺘﻰ ﺍﺩﺍﺭﻱ ﻭﺍﺻﻴﺮﻟﺔ ﺍﻡ ﻭﺍﻋﻮﺿﺔ ﺗﺪﺭﻳﻨﻲ ﺷﻜﺪ ﺍﺣﺐ ﺍﻟﺠﻬﺎﻝ ﻭﺟﺮﻳﺖ ﺍﻣﻨﺔ ﺑﻨﺖ ﺣﺎﻣﺪ ﻭﺣﻄﻴﺘﻬﺎ ﺑﺤﻀﻨﻲ ﺍﺑﻮﺱ ﺑﻴﻬﺎ ﻭﺷﻮﻳﺔ ﻭﺩﺧﻠﺖ ﻓﺎﻃﻤﺔ ﺷﺎﻳﻠﺔ ﺍﻟﺮﻳﻮﻙ ﻭﺗﺒﺎﻭﻋﻠﻲ ﺑﻨﻀﺮﺍﺕ ﻛﻠﻬﺎ ﺷﻜﺮ

ﻟﻤﻴﺖ ﻏﺮﺍﺿﻲ ﻭﺟﻨﻄﺘﻲ ﻭﻛﻠﻬﺎ ﺩﺷﺎﺩﻳﺶ ﻭﻣﻼﺑﺲ ﺳﻮﺩ ﺍﺧﺬﺗﻬﻦ ﻣﻦ ﺍﻣﻲ ﻻﻥ ﻫﻢ ﺣﺰﻧﺎﻧﻴﻦ ﻛﻠﺖ ﺍﻟﺒﺲ ﺍﻟﻮﺍﻥ ﻏﻴﺮ ﻳﻤﻠﺨﻨﻲ ﻭﻛﻠﺴﺎﻉ ﺍﺑﻮﺱ ﺍﻣﻲ ﻭﺟﻬﺎﻝ ﺍﺧﻮﻳﺔ ﻭﺍﻛﻌﺪ ﻳﻢ ﺣﺎﻣﺪ ﺍﺣﺲ ﺍﺭﻳﺪ ﺍﺷﺒﻊ ﻣﻨﻬﻢ ﻻﻥ ﻳﺠﻮﺯ ﻣﺎﺍﺷﻮﻓﻬﻢ ﺑﻌﺪ ﻟﻼﺑﺪ ﻻﻥ ﺗﺒﻘﻰ ﻛﻞ ﻋﺸﻴﺮﺓ ﻭﻋﺎﺩﺍﺗﻬﺎ ﺍﻛﻮ ﻣﺘﺸﻮﻑ ﺍﻫﻠﻬﺎ ﺍﻻ ﻭﺭﺓ ﻣﺘﺠﻴﺐ ﻭﻟﺪ ﻭﺍﻛﻮ ﺍﻻ ﻭﺭﺓ ٤ ﺑﻄﻮﻥ ﻭﺍﻛﻮ ﻣﺘﺸﻮﻓﻬﻢ ﻃﻮﻝ ﺍﻟﻌﻤﺮ ﺑﻌﺪ ﻭﺍﻧﻲ ﻣﺎﺍﺩﺭﻱ ﺑﻴﻤﻦ ﻋﺜﺮﻧﻲ ﺣﻀﻲ ﺍﻟﻤﺼﺨﻢ ﻟﻬﻨﺎﻙ ﻭﺳﻤﻌﺖ ﺻﻮﺕ ﻋﻤﻲ ﺑﺎﻟﺒﺎﺏ ﻭﺍﻧﻲ ﺍﺣﺲ ﺣﻴﻠﻲ ﻛﻠﺔ ﺭﺍﺡ ﻭﺍﻧﻬﺪ ﻭﻋﻤﺮﻱ ﻧﺼﺔ ﺧﻠﺺ ﻭﻛﻤﺖ ﺍﺭﺟﻒ ﺣﻴﻴﻴﻞ ﻭ .......