Mabango ang paligid.
Napakalambot ng kama.
Mainit sa pakiramdam ang makapal na comforter.
Napangiti ako sa aking sarili kahit ako’y nakapikit pa. Waah! Ansarap matulog.
Teka, anong oras na ba? Pikit-matang kinapa ko ang alarm clock sa ilalim ng unan kung saan ito nakatago.
Kapa sa kanan. Wala.
Kapa sa kaliwa. Wala.
Grr! Pinagtataguan na naman ako ng loko-lokong alarm clock ko. Nakapagtatakang hindi ito tumunog samantalang kapapalit ko pa lang sa battery nito noong isang araw.
“Asan ka na ba?!” namamaos ang boses na kausap ko sa nagtatagong alarm clock.
“Bangon na. Alas sais i medya na ng umaga.” Hay! Buti na lang andyan ang aking bestfriend para sabihin sa akin ang oras. Agad akong nagmulat ng mga mata para lang mapasigaw.
“AAAH!!!!” gulat kong sigaw sa matandang babae na nasa
