KASAMA ko si Chantal ngayon. Nandito kami sa isang mall dahil nagpasama itong bumili ng regalo para sa asawa nitong si Kenzo.
"Birthday ba ng asawa mo?" tanong ko habang nakikibuklat din ng mga panlalaking damit.
"Hindi noh. Sa susunod na buwan pa."
"E bakit bibili ka ng regalo?"
"Gusto ko lang."
"Iba din! Nagpapakasweet housewife ang bestfriend ko," panunudyo ko dito.
Nakatawa itong umingos. "Hindi naman sa ganoon. Madalas ko kasi siyang masungitan lately kahit wala naman siyang ginagawa. Iwan ko ba. Mommy told me it's normal in the third trimester of pregnancy. Kaso minsan naaawa ako sa asawa ko kasi siya lagi napagbubuntunan ko ng init ng ulo. Kaya ito, pangbawi."
"Ginawa mo pang excuse ang pagbubuntis mo. Ang sabihin mo inaaway mo siya para lambingin ka niya pagkatapos. Maawa ka
