PAG-UWI ko ay hindi na ako nagulat ng madatnan ko si Kevin Carlos. Alam nito ang passcode sa pinto ng unit ko kaya nakakapasok ito kahit kailan nito gustuhin. Lately ay nagiging habit na rin nito na imbes na sa unit niya umuwi ay dito sa condo ko dumiretso. Sa katunayan nga ay kulang nalang yata pabutasan nito ang kisame ko para gawing isa ang condo namin. Halos kalahati na rin ng damitan ko ay inuokupa na ng mga damit niya. Hindi ko nga alam kung paanong nangyaring dumami iyon doon. Minsan gusto ko nang isipin na hinahakot niya ang laman ng bahay niya papunta sa unit ko kapag wala ako.
Dahan-dahan kong isinara ang pinto at sumandal sa likod niyon habang pinagmamasdan ito na komportableng nakaupo sa may dining table sa harap ng laptop nito. Masyado itong naka focus sa kung ano mang gina
