PARANG mga teenager kung kiligin sina Marijean at Bettina habang pinag-uusapan sina Lucas at Gaia. Medyo napatagal nga ang pag-uusap nila roon kaya kailangan nang ibahin ni Bettina ang usapan. Kailangan niya nang sabihin sa hipag ang totoong dahilan kung bakit siya naroon.
“Marijean, it’s been twenty years since that thing happened, right?” pahapyaw na sabi niya rito.
“I know. Hindi ko tanda kung ten or eleven noon si Lucas pero alam na alam ko kung ano ang nangyari. Bakit natin ‘to pag-uusapan ngayon? Hindi ba’t ayaw mo ang nababanggit ang tungkol doon?”
“Oo. Pero parang gusto ko na siyang pag-usapan ngayon. Ang tagal-tagal na panahon kong kinimkim ang lahat ng gusto kong sabihin tungkol sa bagay na iyon dahil hindi ko alam kung may mga tao pa bang makikinig sa akin kapag nalaman nil
