WALANG pagsidlan ng saya si Gaia habnggang sa matapos ang isang buong araw na kasama niya si Lucas. Matapos siyang ipakilala nito sa mga magulang, mas lalo niyang nakilala ang pamilya ng lalaki. Masaya siya at tinanggap siya ng mga ito kahit na napakalaki ng agwat nilang dalawa ni Lucas pagdating sa estado ng buhay.
“Good night,” saad niya sa ikalawang pagkakataon paglabas niya ng kotse ng lalaki at saka kumaway.
“I’ll see you tomorrow. Sumabay ka na sa amin ni Janus. Hindi pwedeng tatanggi ka,” sabi sa kanya ng lalaki.
“Oo nga. Sumabay ka na sa amin bukas,” segunda naman ni Janus na nakaupo sa likod nilang dalawa.
“Oo na. Sige na.” Umatras siya ng hakbang sa gutter at hinintay munang maipasok ng lalaki ang sasakyan sa loob ng garahe nito bago pumasok sa loob n
