HALOS ibuga ni Mikhail nag iniinom na milk tea nang makita ang pagbaba ni Lucas galing sa opisina nito. Kahit ang tatlong empleyado nito at si Janus ay napanganga nang makita ang ayos ng lalaki.
“Putsa, may pupuntahan ka bang debut? Grand ball?” natatawang sabi pa ng pinsan nito pagkatapos pasadahan ang lalaki ng tingin mula ulo hanggang paa.
“Alam mo, Kuya, pasalamat ka at naunang umalis si Kristel. Alam mo kung bakit? Baka ma-real talk ka niya kapag nakita niya ‘yang pustura mo.”
Hinayaan ni Lucas ang mga kalokohang sinasabi ng mga ito at saka naunang lumabas.
“Saan baa ng punta ng kuya mo at ganoon ang ayos niya?” tanong pa nito habang hinihintay sina Lorice bago isara ang café. Sumunod silang lumabas kay Lucas na nakaharap sa cellphone.
“Hindi mo ba alam? Kapitbahay na namin
