MAAGANG inihanda ni Marijean ang sarili para sa ipinapakisuyo sa kanya ni Six. Kailangan niyang gawin ito nang naaayon sa plano nila para matagumpay nilang mailigtas ang mga magulang ni Elsa.
Bago pa man siya umalis, muli siyang tinawagan ng lalaki upang sabihin ang mga karagdagang impormasyon na makakatulong sa kanya.
Mainit na sikat ng araw na ang dumampi sa kanyang balat nang bumaba ng kotse sa tapat mismo ng gusali ng Diamond Empire. Isang malalim na hugot ng paghinga ang ginawa niya bago siya pumasok sa loob. Naglakad siya patungo sa reception area at ngumiti sa babaeng naroon.
“Nariyan na ba si Steve?” kaswal niyang tanong na tila ba malapit silang dalawa sa isa’t isa.
Mapanurin siyang tinitigan ng babae na nahinto sa pagsasalansan ng mga papeles.
“Sino po sila?”
“Pakisab
