"PAKENING tape!" pabulong na mura ni Lorice nang makita niya ang pagbuhos ng inumin ni Matilde sa ulo ni Gaia. Tila nanonood siya ng isang teleserye na nasa isang intense episode na. Kahit ang mga kasama niyang sina Layne at Wilkins ay napanganga sa tagpong iyon. Hindi sila nakahuma dahil sa biglaang pangyayaring iyon.
"Holy guacamole," saad pa ni Layne. Akala nila ay naghahanap lang ng mauupuan ang babae kanina ngunit naka-target lock na pala si Gaia sa mga mata nito. Nagsimula na ang mas malalangg komosyon sa loob. Maski ang mga customers nila na nasa malayong table ay nakikiusyoso na rin.
"A-ano'ng gagawin natin?" nagpa-panic na tanong ni Layne habang hindi inaalis ang tingin sa mga taong pinagkakaguluhan sa tapat nila.
"Maupo ka, Gaia dahil baka pati 'tong hot coffee ko ay maibuh
