BAHAGYANG nakatulog si Gaia mula sa manakanakang sakit mula sa pagkirot ng kanyang sugat. Si Elsa naman ay nakaupo sa isang silya. Pinapakiramdaman niya ang humihilab niyang tiyan kung dahil ba ‘yon sa gutom o hindi.
Pupunta na siya ng banyo nang marinig niya ang pagbukas ng pinto mula sa sala. Naroon si Temyong. Dahan-dahan siyang naglakad patungo sa pinto at idinikit ang tainga roon.
Hindi nga siya nagkamaling naroon ang lalaki. Ngunit pakiwari niya ay hindi ito nag-iisa dahil sa iba’t ibang boses ng lalaki na naririnig niya. Hindi lang ‘yon, ikinagulat niya ang narinig na pakikipag-usap nito kay Matteo. Kailangan niyang makumpirma kung totoo baa ng hinuha niya lalo na noong marinig niyang tinawagan ng lalaki si Bettina.
“S-saan n’yo ako dadalhin?!” Takot ang naramdaman niya nang m
