TAHIMIK si Gaia sa loob ng sasakyan ni Temyong at wala siyang balak na kausapin ito ngayon. Hindi niya rin alam ang daang tinatahak nila kaya kinakabahan siya. Napakalayo na nila sa rutang alam niya at hindi siya pamilyar sa landmark na naroon sa lugar na dinadaanan nila.
Tikom man ang bibig niya, para bang sasabog na ang dibdib niya sa nerbyos. Wala siyang ideya kung ano ang tunay na gagawin sa kanya ng lalaki ngunit napakarami nang haka-haka sa kanyang isipan.
Gusto niya pang pagplanuhan sana ang pagkikita nilang dalawa ngunit hindi niya alam na ganito kabilis na mangyayari iyon. Magpapaturo pa lang sana siya kina Six at Lucas tungkol sa self-defense at paggamit ng baril ngunit naunahan siya ng amain sa mga pinaplano niya.
Habang nasa byahe sila ay pilit niyang kinokontrol ang pagh
