Pamela's POV
Nagising ako sa mga hikbi ng isang babae. Dahan- dahan kong iminulat ang aking mga mata, saka ko tiningnan ang paligid.
Nanlaki ang mga mata ko, nang makita ko ang mga magulang ni Migs, na mag kayakap sa tabi ni Migs. Umiiyak si tita Lucille, habang yakap- yakap sya ni tito Miguel.
Agad akong bumangon at mabilis na inayos ko ang aking damit. Nakakahiya! nahuli pa nila akong natutulog sa tabi ni Migs.
"Tito, Tita! kanina pa po ba kayo?" malumanay na tanong ko sa kanila. Agad din akong bumaba sa kama, upang lapitan ang aking magiging future in-Laws.
Agad namam akong sinalubong ni Tita Lucille at niyakap ako ng mahigpit, habang umiiyak ang ginang.
"Tita, tama na po. Ligtas na po si Migs. Nagising na rin po sya kanina tita, kaya nailipat na namin sya dito sa VIP Room."
