BIGLANG SUMAMA ang pakiramdam ko matapos kung malasahan ang pritong isda na isinubo sa akin ng aking asawa.
Parang gustong bumaliktad ng sikmura ko, dahil sa napaka lansa ng isda na kinain ko.
Kaya heto ako ngayon at patuloy na isinusuka ang lahat ng kinain ko.
"Wifey, tama na! wala naman nang lumalabas. Ano bang nangyayari sayo? may sakit kaba?!" nag aalalang tanong sa akin ni Migs, habang hinahagod ang aking likod.
Naramdaman ko rin na sumunod sa amin ang mga kasambahay namin. Mukhang nawalan na rin yata sila ng ganang kumain, dahil sa aking pag susuka.
"Bona, pahingi ng tubig na maligamgam. Baka pinasok ng lamig ang sikmura ng Ma'am ninyo. Hindi kasi kumain ng kanin tapos nilantakan ang dessert." narinig kong utos ni Migs, kay Bona.
Agad naman na kumuha ng maligamgam na tubi
