Quaid’s POV
Isang malalim na buntong hininga ang ginawa ko habang nakaupo ako sa swivel chair at nilalaro ko ang aking pen sa aking kamay. Ilang araw na ang nakakalipas at hanggang ngayon hindi pa kami nag-uusap ni Tina. Nang dahil lang sa pagseselos ko, nagkasagutan na naman kami ng umagang ‘yon. Isang umaga na nakita ko si Daks, na masaya silang nag-uusap at niyakap na naman ito ng dalaga. Noong tinitignan ko silang dalawa parang daig pa nila kami, na parang sila ang may relasyon. Nasaktan ako syempre, at ayoko na isipin ito kahit ilang beses na rin niyang sinabi na magkaibigan lang sila at kapatid ang turing niya rito. Eh, gano’n din ba si Daks? Si Daks na nakapalagayan agad ng loob ni Tina. Wala man lugar ang aking pagseselos, hindi ko maiwasan, lalo na at ayoko na may ibang lalake na
