Makalipas ang kalahating oras, sabay-sabay na dumating ang mga sasakyan ng magkakapatid. Pinark lang nila ang mga ito sa harap ng gate at sabay-sabay din silang bumaba sa kani-kanilang sasakyan. Nasa guard house pa rin ako, may binigay sa akin na malamig na inumin si Manong na idinampi ko sa aking pisngi para maibsan ang pamamaga nito. May mga sugat at gasgas din ako sa braso, kamay at sa aking mga binti. May pasa na nga rin sa isang tuhod ko sa pagbagsak ko kanina. Masakit, pero tiniis ko na lang at dahil wala din naman ito sa akin. Natuwa ako nang makita ang apat na papalapit sa guard house, pero natigilan sila nang makita nila ako. Kumaway ako sa kanila at ngumiti, pero napangiwi din dahil masakit nga ang pisngi ko.
“Hello! Uhm, pasensya na, pinaalis ako ng Mama niyo, tsaka yong kasam
