Sobrang alalay sa akin ang magkakapatid nang makauwi na kami ng mansion matapos akong tingnan ng doctor sa ospital. Kung anu-anong test ang ginawa nila para lang ma-satisfy ang mga ito na wala akong malala na injury. Ang demanding nga nila sa mga staff doon, ginamot nila ang mga sugat ko at binigyan ng mga gamot para na rin sa namamaga kong pisngi. Lumiit na din naman siya at namumula na lang dahil sa cold compress na binigay nila sa akin. Naiinis lang ako dahil para naman akong nabaldado at nabugbog ng husto sa sobra nilang pag-aalala sa akin. Kaya ko naman na lumakad pero binuhat na lang ako ni Quaid papasok sa mansion at dinala niya agad ako sa aking kwarto. Pero natigilan kaming lahat nang makita namin ang loob nito na napakagulo at nagkalat ang mga gamit ko na naroon. Punit-punit din
