Gumaan talaga ang aking pakiramdam matapos ang pag-uusap namin ni Quest. Ngayon alam ko na ang tunay niyang dahilan kung bakit matagal niya akong nabalikan sa probinsya. Namatay na pala ang kanilang ama, tapos hindi pa maganda ang relasyon nila sa kanilang ina, may mga ganitong nararanasan rin pala ang mga mayayaman. Akala ko puro na lang sila saya, nabibili lahat nila ang lahat ng kanilang gusto, nakakapunta sa iba’t-ibang lugar, palaging may magarang party, pero hindi nito matutumbasan ang pamilya. Mabuti na lang at okay ang relasyon ko sa aking magulang, tapos nalagpasan pa ni Tatay ang pagka-stroke niya kaya kumpleto pa rin kami. Pero pag nalaman siguro ni Nanay ang pinaggagawa ko dito, baka masira na talaga ako sa kanila. Sana huwag naman at maintindihan nila ako, gusto kong maranasan
