Medyo malayo din ang tinahak namin ni Quaid hanggang sa lumiko kami at pumasok sa isang di sementadong daan at paangat ng konti. Lumiko siya ulit at namilog ang aking mga mata nang makita ang isang makalumang bahay na nakatirik sa taas at napapaligiran ng maraming puno at halaman. Tumigil kami sa harap nito kung saan naghihintay ang tatlo niyang kapatid, sila Quartz, Quest at Quill na pare-parehong seryoso ang mukha. Malakas na bumuntong hininga si Quaid at pinisil niya ang aking kamay. Lumapit si Quest at siya na ang nagbukas ng pinto na katapat ko. Blangko ang kanyang mukha, pero inabot niya ang kanyang kamay na aking tinanggap. Nang makababa na ako, agad niya akong binitawan at tinalikuran niya ako. Nauna siyang pumasok ng bahay at napakagat labi naman ako. Tumingin ako kay Quill at Qu
