Nakatingin lang ako sa labas ng bintana ng sasakyan habang tinatahak namin ang daan kung saan man ako dadalhin ni Quaid. Sabi niya pupuntahan daw namin ang kanyang kapatid, ayaw ko man, wala na rin akong choice. Ang saya-saya ko pa naman na kausap sina Daks at Manong kanina, sumama lang ako at baka kung ano pang gawin niya. Ang sama na kasi ng tingin niya sa bago kong kaibigan, baka ako pa ang maging dahilan na matanggal siya sa kanyang trabaho. Bumuntong hininga ako at sumandig sa upuan. Bakit ba nangyayari sa akin ito? Gusto ko lang naman na maging masaya at makaranas ng bago. May dumating nga, pero mas lalo na naging komplikado ang lahat. Isang Quest lang ang hinihiling ko, pero may tatlo pa akong nakilala na kapatid niya pa. Tapos ang isa pa mainitin ang ulo. Feel na feel ko ang inis n
