Inabala ko ang aking sarili sa pag-aayos ng bahay nang makaalis si Quaid. Kinuha ko ang kanilang maruming damit sa kwarto at kailangan ko ng maglaba bukas. Ginawa ko ang dati kong ginagawa no’ng nagsisimula pa lang ako rito. Nakalimutan ko yata na pinapasahod pala nila ako at kailangan kong gawin ang aking trabaho kaya ako nandito. Ako ang pumalit kay Nanay para ako naman ang tumulong sa aking pamilya. Pero dahil sa mga nangyari, parang nawala sa isip ko na katulong pa rin ako at amo ko sila. Hindi ako nagmukmok sa aking kwarto at umiyak habang nakahiga ako sa kama, hindi ako gano’n kahina na babae. Tutal kasalanan ko din namain dahil mabilis akong nagtiwala sa Gaviola Quadruplets. Parang totoo kasi ang pinapakita nila sa akin at nararamdaman ko rin na sincere sila. Ilang beses na nilang h
