DAVID ANTHONY POV
TEN MONTHS LATER
Halos isang oras din ang itinagal ko sa Makati Catholic Cemetery, dito sa Kalayan Ave. Matapos mag-iwan ng isang taimtim na panalangin at nang maubos ang itinirik kong kandila ay nagpasya na akong umuwi na.
Walang linggo ang lumilipas na hindi ako nagpupunta rito upang bisitahin ang dalawang taong mahalaga sa buhay ko.
Tahimik lamang ako habang naglalakad pabalik sa kotse ko. Medyo nasa dulong bahagi kasi ng cemetery ang mga taong binisita ko. Habang naglalakad ay umihip ang malamig na simoy ng hangin. Nagtayuan pa nang bahagya ang mga balahibo sa braso ko. Kakaibang lamig kasi ang nanunuot sa katawan ko.
"Narinig n'yo ba? Pasensya na dahil kailangan ko ng umuwi," usal ko kahit wala naman akong kausap. Alam ko na narito lang sila sa tabi-tabi at ti
