رواية ليلة وقاسم ?

الفصل الثاني

في المساء الكل ذهب عن بيت حسام

كان منزلهم كبير وبجواره جنينه صغيره فيها أنوار كتير... كلهم قاعدين فيها

شريف بابتسامه : دكتورتنا هدير ألف مب**ك ي حببتي

هدير بابتسامه : ربنا يخليك يا انكل

وظلوا يبراركو لها وكلهم مبسوطين وليله معاهم مبسوطه لبنت عمها بس موضوع المدرسه دي شاغلها عمل لها بباها اشاره أنها تتصل ب نور

قامت بعيد ترن عليه

كانت الساعه السابعه مساء كان مع سليم في مطعم

نور ببرود : نعم؟

ليله : انت فين بابا عمال يسأل عليك يا نور

نور بعصبيه : مش عايز أجي قلت هو بالعافيه يعني

ليله : اقول لبابا اي؟

نور بعصبيه : قوليله ماات

وقفل في وشها السكه

سليم بزعل : مش عايز تروح ليه ي نور؟

نور بغضب : مش عايز أشوف وشها انا بكرها عمري ما هنسا اللي عملتو فيا.....

فلاش بااك

بعد ظهور نتيجه نور وجاب درجه كليه الألسن اللي بيحلم بيها عمل حفله بسيطه في بيتهم وقرايبه جوم وهدير منهم

هدير بابتسامه : مب**ك يا نور اد*ك اهو جبت درجه الألسن يا سيدي ناقص انا اجيب الطب ونبقي بيس يا عم

نور بضحك : اي ي بنتي ده محسساني بكلم صاحبي او انا صاحبتك.. بس انتي دلوقتي في تانيه ثانوي لسه قدامك السنه الجايه وتحققي وانا واثق فيكي بنت عمي بقه وغمزلها

نور بابتسامه: كنت عايز اتقدملك يا هدير صبرت بس مش هقدر اصبر تاني

اختفت ابتسامتها وحست انه هزار : هزارك ده والله بيخوفني هه

نور بجديه : وانا يا ستي مش بهزر انا فعلا بحبك جدا ومستعد اروح لانكل حسام دلوقتي

هدير تنظر له بزعل " خساره فيك كلمه مب**ك انت ناسي انك بعدت عني كل صحابي مبقاش عندي أي حد ولا صحاب ولا زفت بابا يقولي اخوكي الكبير وخايف عليكي وطبعا انا الغ*يه قلت طبعا معنديش اخوات اسمع كلام حضرتك مش عندي اي صحاب حتي لما حاولت أقرب منهم تاني هما اللي بعدوا اعرف السبب ليه عرفني ها؟

نور بعصبيه : لأ اسيبك تمشي مع صحابك دول اللي اذوكي كتير انا لو مكنتش وقفت قدامهم كانوا لعبوا بيكي وانا عمري ما اشوفك بتتأزي من حد وأوافق..

هدير : اشمعنا رولا يعني اللي مكلمتش عنها؟

نور : عشان محترمه وكويسه انا عارفها وبتحبك ولما خليت انكل يود*كي مدرسه بنات هي جات معاكي علي طول اكتر من كده اي؟

هدير بعياط : اناني واقولك حاجه انت بالنسبة لي ابن عم وبس بكره ادخل الجامعه واعتمد علي نفسي ومتدخلش أرجوك في حياتي تاني...

مشيت والصدمه ماليه عنيه ودموعه تنزل

Back

سليم : برضه بنت عمك ي نور لازم تروح

نور بعصبيه : انا قعدت سنتين أحاول منتقابلش حتي في المناسبات تيجي في حاجه هي صاحبه المناسبه تقولي اروح؟

سليم : روح ي صاحبي باينلها انك لسه اهو موجود في الدنيا عارف لو انا معرفش هدير كويس كنت ظنيت فيها وحش بس هي محترمه جدا ودليل دايما كنت لما بتقولها ابعدي عن دي ابعدي عن ده تقول حاضر ما عن عمك كان سايبها عادي بس هي شايفاك دايما صح ف لما بعدتها عن صحابها حست بقه بالخنقه وانها ليه بتسمع كلامك

نور بزعل : صحابها دول زباله بيأذوها وانا بحميها هي كانت طفله ساعتها بس يا سليم كل دي مواضيع قدمت واتقفلت واتنست خلاص هي دلوقتي طالبه جامعه بقت فاهمه اي الصح والغلط وهي بنفسها طلبت مني أبعد عنها

سليم بابتسامه : النسيان مش بالبعد دي كانت صغيره قوم روح سلم وامشي انت دايما منتصر

نور بهزار : منتصر ولا من**ر

سليم يضحك : يخربيت هزارك اللي يلطش

نور براحه : حاسس ليه اني لما حكتلك ارتحت؟

سليم بتكبر : انا يا حبيبي معرفش ليه ناس كتير برضه بتقولي كده

ضحكوا وراح نور الحفله...

نور أول ما دخل كان الأنوار ملونه وجميله

نور أول ما شافها قال لنفسه: لسه زي مانتي كده قمر

راح سلم علي كل واحد وحاول يبين انه بيضحك ويهزر

نور بهزار:اي ي انكل حسام عاش من شافك

حسام بهزار : يا ع**ط انا برضه اللي عاش من شافني أخرت لي؟

نور بحزن مصطنع : عوبال ما خلصت غسيل بعت اشتري المشابك المحل قفل قومت حطيت عليا الطرحة وجيت علي طول

كله ضحك حتي هدير اللي كانت جنب ليله وروز جه يسلم علي هدير

نور وهو يمد ايده ويبصلها : مب**ك يا دكتوره

هدير بابتسامه: الله يبارك فيك يا نور

وبعد وقت قليل قام نور من مكانه

شريف ابوه: علي فين يا نور؟

نور وهو يقف:هروح البيت اليوم كله بره وعايز ازاكرلي كلمتين قبل منام.. حد هاييجي معايا

وجه كلامه ل روز وليله

ليله بتعب: اه انا ياريت يلا ما تيجي يا روز؟

روز : لأ هاجي مع بابا وماما

نهال (مرات عمهم)نور يا حبيبي كنت عايزاك تاخد أختك معاك الجامعه بكره تقدملها وتشوف الوضع هناك أي

هدير بحرج : ماما انا هروح انا ورولا بكره قلتلك

نهال: مش رولا مامتها تعبت يعني مش هتفضا بعدين انتي هتروحي تشوفي بس جامعتك.

نور وهو يبص لهدير بجديه : تمام بكره هعدي عليكي قبل ما أمشي لما ارن عليكي تجهزي

قاطع الكلام هدير : انا غيرت رقمي النهارده هات رقمك اسجله وابقي ارن عليك..

أداها الرقم ومشي هو وليله كان بيتهم قريب...

عند هدير..

هدير بنعاس :انا هطلع أنام تصبحوا علي خير

الكل:وانتي من أهل الخير

روايه:ليله وقاسم بارت2