Nagising ako at bigla akong bumangon pero napaungol ako sa sakit. Napahawak ako sa aking mukha na alam kong namamaga at masakit din ang gilid ng aking labi dahil sa natamo kong cut. Napatingin ako sa aking braso at may marka ng kamay doon na medyo nangingitim na. Tumingin ako sa buong paligid at hinanap ko si Kolya. Mabilis akong kumilos, tumayo ako pero bigla akong nanghina at muntik ng matumba. Buti na lang nakakapit ako sa sofa at umupo ako. Ano bang nangyari? Nahimatay ba ako? Dahil na rin siguro sa aking pagkabigla at takot na naramdaman kanina nang sinaktan ako ng lalakeng ‘yon.
“LIA!” Napalingon ako sa pagtawag na ‘yon at nakita kong palapit si Sadie. Oo nga pala, nandito siya at dinala niya ako dito sa beach house matapos akong niligtas ng aking asawa. May hawak siyang baso ng tu
