Hmp, mukhang binabantayan talaga nila ako. Pakiramdam ko tuloy ay para akong preso.
Nag-iwas ako ng tingin ng makitang nakatingin pala ang mga ito sa akin. Ayaw kong bigyan sila ng ideya na pinag-aralan ko ang bawat kilos nila pati na rin ang pasikot-sikot sa loob ng bahay na ito dahil hindi ako papayag sa gustong mangyari ng mag-amang iyon.
"Ma'am, si boss po," sabi ng lalaking bigla na lang lumapit sa akin hawak ang isang wireless phone.
"Bakit nariyan ka sa labas. Ang init na sweetheart?" malambing na tanong nito.
Hindi ko alam kung nagsumbong ba ang mga tauhan niya o may cctv camera sa bawat sulok ng bahay na ito kaya nakikita ni Jared ang bawat ginagawa ko.
"Tinitingnan at pinag-aralan ko lang kung hanggang saan ba ang gagawin kong garden," dahilan ko na kinagat naman agad nito.
