Sunny
Nakatitig siya sa airpot ng boss niya, high-tech masyado ang gamit nito sa bahay. Panigurado mahal din 'to.
Pinindot niya ang hot, para naman sa kape ng boss niya. Lumipat siya sa lagayan ng kape nito sa bandang gilid.
"Sir, anong coffee mo, black o yung may creamer?"
"Black."
Nagtimpla na siya ng kape nila, late na nga siya sa trabaho dahil anong oras na, pero naisip niyang nandito naman ang CEO, kaya okay lang. Huwag lang talagang may makapansin na late siya, baka kung ano na ang marinig niya sa katrabaho niya sa kumpanya.
Binaba niya ang tinimpla niya sa ibabaw ng lamesa, sa harap ng boss niya.
Kinuha naman nito iyon at humigop, pero sa itsura ng sir niya ay mukhang hindi nito nagustuhan ang lasa.
"Hindi ba masarap sir?"
"Ano bang klaseng kape 'to? Bakit ang pait? Hindi
