“I didn’t expect na ganoon nga ang gagawin ni Doc Mercy.” Tawang-tawa si Theo habang ikinukuwento ang mga bloopers noong estudyante pa lang kami.
Natawa na rin ako sa mga sinasabi niya dahil naalala ko ang itsura ng mentor namin noong may nakitang dugo sa kanyang pantalon.
Maraming bloopers pa ang pinag-usapan namin bago dumating ang pagkain na inorder namin. May itsura naman si Theo kaya hindi maiiwasan ng ibang tao sa restaurant ang mapatingin ng dalawang beses sa gawi namin. Although, mas kalmado sila kumpara sa mga babaeng tumitili pag nakikita si Luke.
“Pupunta ka ba sa annual party?” Nagbago na ang topic nang dumating ang pagkain.
Nagkibit balikat ako. “Hindi ko alam. Siguro ay sa medical mission na lang ako dadalo.” Sagot ko.
May annual party ang ospital para sa anniversar
