CHAPTER 10
Nagising si Ash na masakit ang ulo. Napahawak siya roon saka marahang hinilot ang kanyang sentido. Napansin niyang nasa kwarto na siya. Wala siyang maalalang nangyari kagabi. Ang alam niya ay nagkakatuwaan sila ng kanyang kapatid habang si Elise ay natutulog sa kabilang kuwarto.
How did I end up here?
Nagtataka man ay nagpasalamat pa rin siya at sa kama siya nakatulog. Bakit wala akong maalala? Napabalikwas siya nang bangon nang maramdamang may katabi siya sa higaan. Bumaling siya roon at nanlaki ang kanyang mga mata nang makilala kung sino ang katabi niya.
Elise? Paano siya napunta rito? Paano nangyaring magkatabi kami.
Napatingin siya sa kanyang katawan. May damit pa naman siya ngunit ang butones ng kanyang suot na polo ay natanggal na. Nakalimutan pala niyang magpalit
