PEDESTAL
Final Chapter (Part 1)
Pagkatapos kumanta ni Mark ay unti-unti siyang napaluhod sa damuhan. Humahagulgol. Halos hindi makahinga sa tindi ng kaniyang pag-iyak. Sapo niya ang kaniyang ulo. Dama kong punumpuno ng hirap at sakit ang kaniyang dibdib. Nanatiling nakayakap sa akin si Romel ngunit kapwa kami nakatingin kay Mark. Ramdam namin ang kabiguang pinagdadaanan niya. Nakaluhod at nakayuko sa damuhan na para bang wala nang maari pang magmahal sa kaniya bukod sa akin. Nagkatinginan kami ni Romel hanggang sa ang kaninang mahigpit niyang yakap ay lumuwang. Kitang-kita ko sa kaniyang mga mata ang tindi ng kaniyang pagmamahal sa akin ngunit kaakibat naman no'n ay ang walang kapantay na pag-iintindi. Dahan-dahan akong lumapit kay Mark. Lumuhod din ako sa harap niya. Hinawakan ko ang ba
