NAPAPAPIKIT na si Lavender habang hinihintay niya si Pablo sa waiting area ng klinika. Tinuturukan pa ito ng anti-tetanus. Hinayaan na niya kina Benjamin ang paperworks. Bahala na si Pablo na magpaliwanag kay Doc Rocky, ang may-ari ng malaking clinic na iyon.
“Coffee?”
Pilit na dumilat siya at tumingala. Ang nakangiting mukha ni Benjamin ang nakita niya. Inilapag nito sa harap niya ang isang mug na may umuusok na kape bago ito umupo sa couch na kaibayo niya.
“Thanks,” aniya bago hinawakan ang mug at humigop doon.
“Hinihintay mo ba si Pablo?”
Tumango siya. “Nagpapahintay ang loko. Naiwan niya sa bar ang sasakyan niya. Nag-taxi lang sila ni Jen papunta rito.”
Malapit talaga ang kaibigan niya kay Pablo dahil sa lalaki ipinagbilin ni Ceferino ang ina at kapatid nito. Maigi na lang at
