"GUSTO ba ninyong dalawa na masira ang pangalan ng unibersidad na ito dahil sa ginagawa ninyo?!"
Napaigtad at napahawak ako sa braso ni Joachim dahil sa mariing pagtanong sa amin ni Messiah. Hindi ko alam na ganito siya kung magalit. Punong-puno ng awtoridad ang boses niya na hindi ka na makakapag-isip pa ng tama at parang ang laki laki ng kasalanang nagawa naming dalawa ni Joachim.
Matapos niya kaming makita sa labas ng paradahan ng mga tricycle ay agad din niya kaming pinasunod sa kaniyang opisina. Ito ang unang beses na nakapasok ako dito ngunit hindi ko magawang obserbahan ang itsura ng loob dahil sa kabang nararamdaman ko.
"W-wala kaming ginagawang masama..." Naglakas ako ng loob na sumabat sa usapan nilang dalawa.
Totoo naman na wala kaming ginagawang masama. Mali lang ang pagk
