‘Don’t judge for the outside. Like any beautiful rose has thorns… the more a person appears nice on the outside, the more you should doubt the inside.’ – Gosho Aoyama
-Donovan’s POV-
Dahil sa bilis ng pagmamaneho ni Detective Raynolds ay nakarating din kami kaagad sa Farming Village. Hindi na ako nagsayang pa ng oras at kaagad na bumaba ng sasakyan ng maiparada ito sa gilid ng daan.
“F*ck! Paano natin malalaman kung saan dinala nang hayop na ‘yon si Chief Tanner?” tanong ni Detective Villares ng makababa rin ng sasakyan.
Kasalukuyan kaming nasa gitna ng kawalan. Kanina sa daan ay nalaman namin na sa bungad ng Farming Village lamang nakatira ang mga mamamayan dito at abandona na ang dulong bahagi. Kaya naman napagpasyahan namin na rito na dumiretso habang naiwan sa maliit na barangay na
