'The world’s trying to change itself in a new way. I can smell death. Nothing new comes without death.’ – [Demian] Herman Hesse
-Donovan’s POV-
Sulit naman ang kalahating oras na paglalakad dahil nakarating din ako sa dapat kong puntahan. Ang MS Hotel.
Nang makarating sa hotel ay sa parking lot na ako dumaan. May nagbabantay na guard sa gilid ng parking, pero hindi naman niya ako nakikita kaya dire-diretso lang ako sa pagpasok. Nang makarating sa loob ay kaagad kong pinuntahan ang maintenance room.
Pagpasok ko sa loob, nadatnan ko na may dalawang lalaki na nag-aayos ng mga drum. May Maintenance Team na nakalagay sa kanilang mga t-shirt. Natatandaan ko ang mga mukha nila dahil nakita ko sila sa listahan ng mga empleyado.
Lumapit ako sa p’westo nila upang panoorin ang kanilang ginagawa.
