MICO VLADIMIR'S POV
"HINDI KA PA BA MATUTULOG, ANAK?"
Napahinto ako sa paglalakad nang marinig ang boses ni Tita Alice, ina ni Leira at Keira. Muntik ko nang makalimutan na nandito nga pala silang mag-ina sa mansyon, isang linggo na. Nakauwi na si Keira mula sa hospital kaya nandito ang pamilya niya para alagaan siya habang nagpapalakas pa.
Wala namang kaso kung nandito si Tita Alice, pero si Leira? Hindi ko pa rin maintindihan kung bakit napakadali niyang napatawad ang babaeng 'yon pagkatapos ng mga ginawa niya. Noon, galit na galit siya pero ngayon ay okay na sila na para bang walang nangyari. Na parang nakalimutan na ni Uncle Mike ang ginawa sa akin ng babaeng 'yon.
At dahil si Uncle Mike ang nagpatuloy sa kaniya rito, wala akong magawa kundi ang mag-adjust.
Respect her, Mico
